^{ەکینەکانی پاراستنی گەل (یەپەگە) و سوپای سووریا رێککەوتن لەسەر دابەشکردنی بەشێک لە یەکەکانی سوپای سووریا لەسەر سنووری رووبەڕبوونەوە لەگەڵ تورکیا.}

^{سەرچاوەیەکی تایبەت بە ئاژانسی هەواڵی فورات ANFی نزیک لە پەیەدەی راگەیاندووە "دانوستاندنە راستەوخۆکان چەند رۆژێکە لە ناوچەی حەلەب دەستیانپێکردووە بە ئامادەبوونی بەرپرسانی باڵای یەکینەکانی پاراستنی گەل و سوپای سووریا. لە قۆناخی یەکەمدا ئاستەنگی هاتەبەردەم، بەهۆی دەستوەردانی هەندێک لایەنی نێودەوڵەتی وەک رووسیا و هەوڵدان بۆ ئاستەنگ دروستکردن لەبەردەم رێککەوتن. هەروەها بەربەستی دیکە پەیوەندی هەبوو بە ناوچەکانی بڵاوکردنەوەی ئەو یەکانە و هاوئاهەنگی نێوان هەردوولا لە جەنگی دژی ئەو گرووپە چ ەکدارانەی کە تورکیا پاڵپشتییان دەکات. هەروەها لەگەڵ ئەگەری ئەوەی رێککەوتن کۆمەڵێک پرسی دیکەی هاوبەش بگرێتەوە بۆ کۆنترۆڵکردنی ناوچەکانی باب، جەرابلوس کە لە ژێر کۆنترڵی تورکیادان".}

^{گەڕی یەکەمی دانوستاندنە کۆتاییەکانی رۆژی یەکشەممە کێشەی تێکەوت، بەڵام بەپێی سەرچاوەیەکی تایبەت بە ئاژانسەکەی نزیک لە پەیەدە "هەردوولا لە کۆتایی کۆبوونەوەکەدا گەیشتوونەتە رێککەوتن بۆ دروستکردنی بنکەی سوپای سووریا و دابەشکردنی هەندێک خاڵی سەر سنووری رووبەڕبوونەوەی تورکیا، بەڵام رێککەوتنی سیاسی و کارگێڕی نەکراوە، یەکینەکانی پاراستنی گەل مەرجەکانی خۆیان سەپاند، بەوەی تەنیا هەندێک یەکەی سوپا دابەشببن".}

^{هەر لە هەواڵەکەدا هاتووە "هەردوولا رێککەوتوون لەسەر رێگەنەدان بە فڕۆکەکانی تورکیا بەسەر ئاسمانی عەفریندا بسووڕێنەوە. بەپێی پسپۆڕانی سەربازی بە رێگریکردن لە فڕۆکەکانی تورکیا، ئەوا تورکیا 80% سەرچاوەی هێرشبردن لەدەستدەدات".}

^{ئەوەش لەکاتێکدایە، هەر ئەمڕۆ تۆڕی میدیایی رووداو ئاشکرایکرد، سوپای سووریا و هەسەدە لەبارەی عەفرین رێککەوتوون و سوپای سووریا بۆ پاراستنی سنووری عەفرین دەچێتە نێو شارەکەوە.}

^{شێخۆ بلۆ، سیاسەتمەداری کورد لە شاری عەفرینی رۆژئاوای کوردستان بە (تۆڕی میدیایی رووداو)ی راگەیاند "رۆژی دووشەممە 19-2-2018 سوپای سووریا بۆ پاراستنی سنوور دەربازی نێو عەفرین دەبێت".}

^{رێککەوتنەکە لەکاتێکدایە، 30 رۆژە ئۆپەراسیۆنی تورکیا و گرووپە ئۆپۆزیسیۆنە هاوپەیمانەکانی بۆ سەر عەفرین دەستیپێکردووە. تورکیا دەڵێت تاوەکو ئێستا 15% ی خاکی عەفرینی گرتووە، بەڵام هەسەدە رەتیدەکاتەوە و دەڵێت هێندە پێشڕەوییان نەکردووە.}

١٩/٢/٢٠١٨