^{دامەزراوەی مافی مرۆڤی دەزگای قەزاییی حکوومەتی ئیسلامیی ئێران، لە ڕاگەیندراوێکدا ڕوو لە سکرتێری گشتیی ڕێکخراوی نەتەوەیەکگرتووەکان، چالاکانی مافی مرۆڤی کوردی بە "تێرۆریست" ناوزەد کردووە.}

^{لەو ڕاگەینداروەدا هاتووە: کەڵکئاژو وەرگرتن لەو بوارەدا لەگەڵ هەڵکردنی بێ پاساوی ڕێکخراوی نەتەوە یەکگرتووەکان بەرەوڕوو بووە و ڕووماڵ کردنی چالاکییە تیرۆریستییەکان بە مۆرکی "داکۆکی لە چالاکانی مافی مرۆڤ"ـی زانیوە.}

^{دامەزراوەی مافی مرۆڤی دەزگای قەزایی، پێداگری لەسەر ئەوە کردووە، کە چالاکانی مافی مرۆڤ، لە ئەندامانی حیزبە کوردییەکانی ئۆپوزسیۆنی حکوومەتی ئێرانن و ئەو چالاکانەی بە تۆمەتی "چالاکیی تیرۆریستی" تاوانبار کردووە.}

^{دامەزراوەی مافی مرۆڤی دەزگای قەزایی، بە ڕەخنەگرتن لە کردەوەی بەرپرسانی مافی مرۆڤی ڕێکخراوی نەتەوە یەکگرتووەکان ڕاگەیاندووە، کە چالاکانی کوردی وەکوو "داکۆکیکار لە مافی مرۆڤ" ناسیوە و پشتیوانییان لێ دەکات.}

^{ئەو ڕاگەیندراوە لە حاڵێکدایە کە پێشێلکردنی بەربڵاوی مافی مرۆڤ لە کوردستان، لە ڕاپۆرتەکانی ڕێپۆرتێرانی مافی مرۆڤی ڕێکخراوی نەتەوە یەکگرتووەکان، دەنگدانەوەی هەبووە و چالاکانی مافی مرۆڤی کورد، لەگەڵ سزای قورسی دەزگای قەزایی بەرەوڕوو بوونەتەوە.}

^{چالاکانی مافی مرۆڤی کورد، چەندین جار ڕایانگەیاندووە، کە ناوەندەکانی ئیتلاعاتی حکوومەتی ئێران، لەژێر ناوی تۆمەتگەلێ وەکوو: "هەوڵدان دژی ئەمنییەتی نەتەوەیی و پڕوپاگەندە دژی نیزام" لەگەڵ ئەوان هەڵسووکەوت دەکەن و بە هۆی ڕوانینی ئەمنیەتیی حکوومەتی ئێران، بوار بۆ چالاکی مافی مرۆیی لە کوردستان ناڕەخسێت و لە ماوەی چەند ساڵی ڕابردوودا، زۆربەی چالاکانی مافی مرۆڤ لە کوردستان، بە ناچاری زێدی خۆیان بەجێ هێشتووە و ڕوویان لە وڵاتانی ئورووپای کردووە.}

18/2/2018