^{لە ڕۆژنامەی نیویوورک تایمز و گۆڤاری نیوزویک، دوو بابەت بڵاو کراوەتەوە، کە کاتی ئەوەیە ئامریکا هێرش بکاتە سەر سپای پاسداران.}

^{ڕیچارد گلدربرگ، (ڕاوێژکاری باڵا لە بونیادی بەرگری لە دێموکراسی) بابەتێک لەژێر ناوی (کاتی ئەوەیە کە ترامپ هێرش بکاتە سەر سپای پاسداران) لە ڕۆژنامەی نیویوورک پۆست نووسیوە و باسی لەوە کردووە: کە لە کاتی دەسەڵاتداری ئوباما ڕێژیمی ئێران کەڵکی لە کێشە نێوخۆییەکانی ئامریکا وەرگرت و دەسەڵاتی خۆی لە ڕۆژهەڵاتی نێوەڕاست زیاتر کرد و بەرنامە مووشەکییەکانی خۆی بەهێزتر کرد.}

^{هەروەها ئاماژەی بە دەستێوەردانەکانی ئێران، لە وڵاتانی ناوچەکە و ناردنی چەکوچۆڵ بۆ گرووپە تێرۆریستییەکان و وڵاتی بەحرەین کردووە، کە ناوەندی فەرماندەیی هێزەکانی ئامریکایە و بە دژی عەرەبستان بەکاریان دەهێنێت و بنکەی بەرهەمهێنانی مووشەکی لە لوبنان و سووریە دروست کردووە.}

^{ڕیچارد گلدربرگ، لە درێژەی بابەتەکەیدا ئاماژەی بەوە کردووە، کە کاتی ئەوەیە ترامپ دژکردەوەی بەهێزی نیزامی لە بەرامبەر ڕێژیمی ئێران هەبێت، کە لە ناوچەکە چالاکی نیزامی دەکات و سیاسەتەکانی دەسەڵاتدارانی ڕێژیمی ئێران ئەوەیە، کە دەست بەسەر ناوچەکە بگرن و بەرژەوەندییەکانی ئامریکا و هاوپەیمانەکانی بخەنە مەترسییەوە.}

^{هەر لەو پەیوەندییەدا، لە گۆڤاری نیوزویک، کنت پولاک، لێکۆڵەرێکی ئەنستیتوی (ئامریکەن ئینترپرایز)، بابەتێکی لەسەر ئێران نووسیوە و باسی لەوە کردووە، کە ئەو ڕێژیمە ئامریکا بە دوژمن دەزانێت و هەڕەشە لە هاوپەیمانەکانمان دەکات.}

^{ئەو لێکۆڵەرە، ئاماژەی بەوە کردووە، کە ڕێژیمی ئێران هەرچی کاتی زۆرتری بۆ دەستێوەردان لە ناوچەکەدا هەبێت، لە داهاتوودا ڕۆژهەڵاتی نێوەڕاست کێشە و ناسەقامگیری و هەژاری زۆرتر دەبێت، هەر بۆیەش ئامریکا دەبێت، ڕووبەڕووی ئێران ببێتەوە و پاشەکشەی پێ بکات.}

15/2/2018