^{هاوپەیمانەتی عەرەبی لەسەر هێرشەکان بۆ سەر تەنگەی "باب‌‌المندب" ڕایگەیاندووە، کە ئێران چەکوچۆلی پێویستی بۆ ئەو هێرشە دابین کردووە.}

^{تورکی ئەلمالکی، وتەبێژی هاوپەیمانەتی نیزامی عەرەبی، ڕۆژی دووشەممە ڕێکەوتی ٥ی فوریە ٢٠١٨ی زایینی، لە پرێسکونفڕانسێکدا باسی لەوە کردووە، کە هێرشەکەی سەر تەنگەی "باب‌المندب" لە لایەن حووسییەکانەوە، به دابین کردنی چەک و تەقەمەنی لە لایەن ڕێژیمی ئێرانەوە کراوە.}

^{حووسییەکان به بەلەمی بۆمبڕێژکراو هێرشیان کردووەتە سەر بەندەری "الحدیدە" لە تەنگەی باب‌المندب و تورکی ئەلمالکی باسی لەوە کردووە، که ئەم هێرشانە مەترسی دەخاتە سەر بەشی بازرگانی دەریایی جیهانی و هەڕەشەیەکە بۆ سەر هەموو جیهان.}

^{ناوبراو هەورەها ئاماژەی بە هاویشتنی مووشەک لە لایەن حووسییەکانەوە بەرەو عەرەبستان کردووە و وتوویەتی: هەتا ئێستە ٩٥ مووشەکی بالستیکی بەرەو ناوەندی بەرگریی مووشەکیی عەرەبستان هاوێژراون.}

^{بەپێی هەواڵە بڵاوکراوەکان و پاشماوەی مووشەکەکان، بەڵگەکان لەسەر ئەوەن کە مووشەکەکان سازکراوی ئێرانن و زۆرجار وڵاتانی ناوچەکە بەتایبەت عەرەبستان هۆشداری داوە و ڕایگەیاندووە، کە ڕێژیمی ئێرانە لە ناوچەکە چەک و مووشەک دەداتە گرووپە تێرۆریستییەکان و پاڵپشتیان دەکات بۆ ناسەقامگیر کردنی ڕۆژهەڵاتی نێوەڕاست و کۆمەڵگەی جیهانیش لە هەمبەر ئەو کردەوانەی ئێران بێدەنگ نەبوونە و یەکێک لە باسە سەرەکییەکانی ئەمنییەتی جیهانی و وڵاتە زلهێزەکان لە بارەی چالاکییە مووشەکییەکانی و پاڵپشتی کردنی ڕێژیمی ئێران لە تێرۆریزمە.}

7/2/2018