^{وەزارەتی دەرەوەی ئامریکا، بزوتنەوەی "الصابرین"ی فلستینی خستە لیستەی تێرۆرەوە که لە لایەن ڕێژیمی ئێرانەوە پاڵپشتی لێدەکرێت.}

^{وزارەتی دەرەوەی ئامریکا، ڕێکەوتی ٣١ی ژانویەی ٢٠١٨ زایینی، بزوتنەوەی "الصابرین"ی فلستینی که لە لایەن ڕێژیمی ئێرانەوە پاڵپشتی دەکرێت و له ناوچەکەدا وەکوو باڵێکی سپای پاسداران چالاکی دەکات، خستە لیستەی تێرۆرەوە.}

^{بزوتنەوەی"الصابرین" گرووپێکی میلیشیاییە که لایەنگری ڕێژیمی ئێرانە و به پاڵپشتی ئابووری و نیزامی سپای پاسداران، له ڕاستای سیاسەتەکانی ڕێژیمی ئێران چالاکی دەکات؛ ئەم بزوتنەوەیە به فەرمی پاڵپشتی خۆی له ڕێژیمی ئێران ڕاگەیاندووە و وەکوو حیزبوڵای‌ لوبنان، بە ئاشکرایی باس له پەیوەندی لەگەڵ ئەو ڕێژیمە دەکات و زۆرجار دەسخۆشی لە کۆماری ئیسلامی کردووە له هەمبەر ناردنی پارە و چەکوچۆڵ بۆیان.}

^{بزوتنەوەی"الصابرین" وەکوو لقێکی سپای پاسداران به ئەژمار دێت و لەو پەیوەندییەدا، سایتی "مشرق" که سەر به سپای پاسدارانه، له ڕاپۆرتیکدا ئاماژەی بەوە کردووە کە گرووپی "الصابرین" نزیکترین گرووپی فلستینییە به گوتاری ڕێژیمی ئێران.}

^{سپای پاسداران به دروست کردن و پاڵپشتی کردنی گرووپە تێرۆریستییەکان له ناوچەکه، گەورەترین هۆکاری تێرۆر و ناسەقامگیری ڕۆژهەڵاتی نێوڕاستە و لق و پۆپەکانی له زۆربەی وڵاتانی ناوچەکە سەرقاڵی ڕاپەڕاندنی ئەرکە تێرۆریستییەکانی تارانن.}

٣/٢/٢٠١٨