^{سکرتێری گشتی ڕێکخراوی نەتەوە یەکگرتووەکان ڕایگەیاندووە دەبێ ڕێز له مافی ناڕەزایەتی دەربڕینی ئێرانییەکان بگیردرێت.}

^{ئانتۆنیۆ گوترێش، سکرتێری گشتیی نەتەوە یەکگرتووەکان، ڕۆژی سێشەممە ڕێکەوتی ٢٦ی بەفرانباری ١٣٩٦ی هەتاوی، له پرێس کۆنفرانسێکدا له نیویورک، باسی لەوە کردووە که مافی دەربڕینی ناڕەزایەتی، یەکێک له مافە سەرەکییەکانی مرۆڤە و لەبارەی ناڕەزایەتییەکانی ئەم دواییەی گەلانی ئێرانیش وتوویەتی: دەبێت ڕێژیمی ئێران ڕێز له خۆپیشاندەران بگرێت.}

^{گوترێش له باسەکەیدا ئاماژەی به کوژراو و بریندارەکان و دەسبەسەرکراوان له ڕەوتی خۆپیشاندانەکانی ئێران کردووە و وتوویەتی: زیاتر له ٢٠ کەس کوژراون و سەدان کەسی دیکەش دەسبەسەر کراون؛ لەو پەیوەندییەشدا نیگەرانی خۆی دەربڕیوە و داوای له ڕێژیمی ئێران کردووە که به شێوەی ئاشتییانە، ڕێز له ناڕەزایەتییەکانی خەڵک بگرێت.}

^{لە ڕەوتی خۆپیشاندانەکانی گەلانی ئێران، زۆرتر له ٥٠ کەس کوژراون کە ٦ کەسیان له نێو زیندانەکانی ڕێژیمدا گیانیان لەدەسداوە؛ هەتا ئێستەش چارەنووسی زۆربەی دەسبەسەرکراوان دیار نییە و ڕەوتی دەسبەسەر کردنەکانیش بەردەوامه.}

19/1/2018