^{هاوسەرۆکی پارتی دیموکراتی گەلان (هەدەپە) جارێکی دیکە دادگایی دەکرێتەوە و دوو تۆمەتی دیکەی دراوەتە پاڵ.}

^{بڕیارە رۆژی چوارشەممە 17/1/2018، لە دادگای ئەنقەرە هەردوو تۆمەتی ”بێڕێزیکردن بە وەزیری ناوخۆی تورکیا لە ساڵی 2015 سووکایەتی بە دەوڵەت و حکوومەت“، ئاراستەی سەڵاحەدین دەمیرتاش، هاوسەرۆکی هەدەپە و پەرلەمانتاری تورکیا، بکرێت.}

^{داواکاری گشتیی کۆماری تورکیا ئاماژەی بەوە کردووە، کە سەڵاحەدین دەمیرتاش رایگەیاندووە، سولەیمان سۆیلو، وەزیری ناوخۆی تورکیا لە میانەی هەڵمەتی هەڵبژاردنی ساڵی 2015دا چووەتە ناو خەڵک و لێدوانی دژی هەدەپە داوە و هەوڵی کەمکردنەوەی دەنگەکانی ئەو حزبەی داوە.}

^{پێشتریش لە رۆژی 12/1/2018، دەمیرتاش بۆ یەکەمجار دوای دەستگیرکردنی لە 4/11/2016 بە تۆمەتی بانگەشەکردن بۆ پارتی کرێکارانی کوردستان (پەکەکە)، ئامادەی دانیشتنی دادگاییکردن بوو لە ئیستەنبوڵ.}

17/1/2018