^{سەرۆکی ویلایەتە یەکگرتووەکانی ئامریکا لە ڕاگەیەندراوێکدا لەسەر پرسی بەرجام، هێرشی کردە سەر خامنەیی و سپای پاسداران و بە سەرکووتکەر ناوی لێ بردن.}

^{دانڵد ترامپ، سەرۆکی ویلایەتە یەکگرتووەکانی ئامریکا لە ڕاگەیەندراوی ڕۆژی هەینی، ڕێکەوتی ٢٢ی بەفرانبار کە تایبەت بوو بە پرسی ڕێککەوتننامەی ناوکی، ئەم ڕێککەوتننامەی بۆ ١٢٠ ڕۆژی دیکە درێژ کردەوە و هێرشی کردە سەر عەلی خامنەیی و سپای تێرۆریستی پاسداران.}

^{لەم ڕاگەیەندراوەدا، ترامپ وتوویەتی: لە نێو ئێراندا، ڕێبەری ڕێژیمی تاران و سپای پاسداران، بۆ خنکاندنی خەڵکی ئێران کەڵک لە گرتن و ئەشکەنجە و سەرکوت وەردەگرن؛ ڕێبەرانی زاڵ بەسەر ئێران خەڵکی وڵاتەکەیان بە برسییەتی هێشتووەتەوە و لە ڕێگەی تاڵان کردنی سامانە نیشتمانییەکان، خۆیان دەوڵەمەند کردووە.}

^{لە بەشێکی دیکەی ئەم ڕاگەیەندراوەدا ترامپ باسی لە خۆپیشاندانە سەرانسەرییەکانی چەند ڕۆژی ڕابردووی ئێران کردووە و وتوویەتی: من جارێکی دیکە پشتیوانی لە ئازادیخوازانی ئێران دەکەم؛ ئەو هاووڵاتییە بوێرانەی کە خوازیاری گۆڕینی رێژیمی گەندەڵی زاڵ بەسەر ئێرانن، کە پارە و سامانی خەڵکی ئێران بە تاڵان دەبەن و سەرفی تێرۆریزم و بەشی چەکوچۆڵی خۆیانی دەکەن.}

^{ناوبراو لە بەشێکی دیکەی ڕاگەیەندراوەکەدا، وێڕای تەئیدی تەحریمی نوێ بۆ سەر هەندێک لە کۆمپانیا و لێپرسراوانی کۆماری ئیسلامی، باسی لە سیاسەتە هەڵەکانی دەوڵەتی پێشووی ئامریکا کردووە و وتوویەتی: ئۆباما لە کاتی سەرۆکایەتییەکەیدا چاوی خۆی لە ئاست ڕوو}داوەکانی ئێران و هەوڵەکانی ڕێژیم بۆ پڕچەک کردنی تێرۆریستەکان و سەرکووتی خەڵکی وڵاتەکەی داخست؛ من ناتوانم وا بم.

14/1/2018