^{مەحموود سادقی، ئەندامی پەرلەمانی ئێران، لە تاران، بە میدیاکانی راگەیاندووە، بەهۆی خۆپیشاندان و ئاڵۆزییەکانی 13 ڕۆژی ڕابردووی ئێران، 3700 کەس دەستگیر کراون.}

^{ماڵپەڕی "خانەی میللەت" زمانحاڵی پەرلەمانی ئێران لەزاری مەحموود سادقی ئەندام پەرلەمانەوە بڵاوی کردووەتەوە، هەرچەند بەهۆی ڕووماڵ نەکردنی بێڵانەنانەی ڕووداوەکانی ئێران، هەتا ئێستا ئامارێکی ڕاست لە ژمارەی دەستگیرکراوەکان لەبەردەست نییە، بەڵام باس لەوە دەکرێت نزیکەی 3700 کەس لە سەرتاسەری ئێران، لەلایەن هێزە ئەمنییەکانەوە دەستگیر کراون.}

^{بە گوتەی ئەو ئەندام پەرلەمانە، نزیکەی 70 کەس لەو گیراوانە خوێندکارن، هاوکات سەرچاوەکانی مافی مرۆڤ لە ڕۆژهەڵاتی کوردستان بڵاویان کردووەتەوە کە زیاتر لە 200 کەس لە دەستگیر کراوەکان، کوردن.}

^{سەرچاوە ناوخۆیی و بیانییەکان باس لەوە دەکەن هەتا ئێستا سێ کەس لە دەستگیر کراوەکان لە گرتنگەی "ئێڤین"ی تاران گیانیان لەدەست داوە، کە بە گوتەی نەسرین ستوودە، پارێزەر لە تاران ناوی سێ کەسیان بریتییە لە "سینا قەنبەری، وەحید حەیدەری، موحسێن عادڵی".}

9/1/2018