^{ڕێکس تیلرسۆن، وەزیری دەرەوەی ئەمریکا، دوێنێ هەینی ئاشکرای کرد واشنتۆن بەمەبەستی ئاڵوگۆڕی ئاشتیخوازانەی دەسەڵات لە ئێران، پشتیوانی لە ویست و داخوازی خۆپیشاندەران دەکات.}

^{وەزیری دەرەوەی ئەمریکا لە لێدوانێکدا بۆ ئاژانسی (CNN) گوتی: "خەڵکی ئێران لەژێر دەسەڵاتی حکوومەتی ئێراندا ژیانێکی زۆر ئەستەمیان بینیوە، بەڵام ئێمە نامەنەوێ بە شێوەیەکی توندوتیژ پشتگیری لە ئاڵۆگۆڕی دەسەڵات لە ئێران بکەین، ئێمە نیشانەکانی ئەم ئاڵۆگۆڕەمان لە ساڵی 2009، هەروەها لە خۆپیشاندانی ڕۆژانی ڕابردووشدا بینیوە".}

^{تیلرسۆن، ئاماژەی بەوەش کرد: "ئێمە پشتگیری لە ئامانجی گەلانی ئێران دەکەین بۆ ئەوەی ژیانێکی باشتریان هەبێت و لەوپەڕی ئازادیدا بژین، چونکە پێمان وایە شایستەی ئەم ژیانەن، بەڵام ئەوە لە ئەستۆی ئێرانییەکانە کە چۆنیەتیی ئەو ئاڵۆگۆڕی دەسەڵاتە هەڵدەبژرێن".}

^{لە بەرانبەر پشتگیریی ئەمریکا، ئیسرائیل و چەند چەند وڵاتی ئەورووپایی لە خۆپیشاندانەکانی ئێران، هاوکات ڕووسیا، سووریا، تورکیا و ڤەنزۆئێلا پشتگیرییان لە حکوومەتی ئێران کردووە.}

^{بەپێی زانیاریی میدیا ناوخۆییەکانی ئێران لە دە ڕۆژی ڕابردوودا کە خۆپیشادان و ئاڵۆزی لە زیاتر لە 100 شاری ئێران لەدژی حکوومەتی ئێران و ڕەوشی خراپی ئابووری، بێکاری، گرانی ڕووی داوە، 22 هاووڵاتی کوژراون و زیاتر لە 1800 کەسیش لە سەرتاسەری ئێران دەستگیر کراون کە زیاتر لە 200 کەس لە گیراوەکان و زیاتر لە دە کەس لە کوژراوەکان لە ڕۆژهەڵاتی کوردستان بوون.}

8/1/2018