^{وەزیری ئیتلاعاتی ڕێژیمی ئێران، جارێکی دیکە هەڕەشەی توندی لە حیزبەکانی ڕۆژهەڵات کرد.}

^{بەپێی ڕاپۆرتە بڵاوکراوەکان، ڕۆژی شەممە ڕێکەوتی ١٦ی بەفرانباری ١٣٩٦ی هەتاوی، مەحموود عەلەوی، وەزیری ئیتلاعاتی ڕیژیمی ئێران، هۆشداری بە حیزبەکانی ڕۆژهەڵات دا و هەڕەشەی توندی لێ کردن.}

^{وەزیری ئیتلاعات لە لێدوانێکدا لە ڕێوڕەسمی سەرەخۆشیی کوژراوەکانی چەند ڕۆژی ڕابردووی شاری پیرانشار، لە ورمێ ڕایگەیاند: "بە زووترین کات سەربازانی ئیمام زەمان وڵامی توند بە گرووپە دژبەرەکانی حکوومەت لە ناوچەکە دەدەنەوە".}

^{ئەو هەوڵویستە وەزیری ئیتلاعاتی ڕێژیم ئێران، لەوە سەرچاوە دەگرێت، کە حیزبی دێموکراتی کوردستانی ئێران، باسی لە شەڕ و تێکەڵچوونی پێشمەرگەکانی شار لەگەڵ هێزەکانی سپای پاسداران له گوندی "زێوە" سەر بە ناوچەی پیرانی شاری پیرانشار کردبوو.}

^{هێزەکانی ڕێژیم لەگەڵ هێزە بەکرێگیراوەکانیان ڕۆژی چوارشەممە ١٣ی بەفرانباری ١٣٩٦ی هەتاوی، کاتژمێر ٣ی دوانیوەڕۆ هێرشیان کرده سەر گوندی زێوە سەر بە ناوچەی پیرانی شاری پیرانشار و بە شێوەی دڕندانە لەگەڵ خەڵک دەرگیر بوون.}

^{لەو هێرشەدا پێشمەرگەکانی شار لە هێزەکانی ڕێژیم هاتنە دەست و بە هێرشێکی پێچەوانەوە زەبرێکی کاریگەریان لە هێزەکانی ڕێژیم و بەکرێگیراوانیان دا و سێ کەس لە هێزەکانی سپای پاسداران لەو شەڕ و تێکەڵچوونەدا کوژران.}

7/1/2018