^{لە ئەنجامی سەرکوتی خۆپیشاندانەکانی خەڵکی ئێران لە پێنج ڕۆژی ڕابردوودا، ٢١ کەس کوژراون و زیاتر لە ٤٥٠ کەسیش دەستگیرکراون.}

^{بەگوێرەی ئامارێکی نافەرمی کە کەناڵی تەلەفزیۆنیی خەبەریی رێژیم بڵاویکردووەتەوە، لە ئەنجامی خۆپیشاندانەکانی شەوی ڕابردوودا لە سەرتاسەری ئێران نۆ کەسی دیکە کوژراون.}

^{بەم شێوەیە ئاماری کوژراوانی خۆپیشاندانەکانی پێنج ۆژی ڕابردوو، بەو نۆ کەسەی شەوی ڕابردووەوە، دەگاتە ٢١ کەس.}

^{هەروەها ڕاگەیەندراوە، کە لە ماوەی ئەو چەند ڕۆژەدا تەنیا لە تارانی پایتەخت زیاتر لە ٤٥٠ کەس دەستگیرکراون.}

^{لەلایەکی دیکەوە وەزارەتی ئیتلاعاتی ئێران ڕاگەیەندراوێکی بڵاوکردووەتەوەو پیلانی ئۆپەراسیۆنێکی بەم زووانەی ئەو وەزارەتەی ئاشکراکردووە بۆ دەستگیرکردنی ئەو خۆپیشاندەرانەی خۆپیشاندانەکانی ڕۆژانی ڕابردوویان ڕێکخستووە.}

^{هاوکات فەرماندە باڵاکانی سوپای پاسداران ئامادەییان ڕاگەیاندووە بۆ دەستێوەردانی دۆخەکە و سەرکوتکردنی خۆپیشاندانەکان.}

٣/١/٢٠١٧