^{باڵیۆزی ئەمریکا لە نەتەوە یەکگرتووەکان لەبارەی خۆپیشاندانەکانی ئێران داوای کۆبوونەوەی ئەنجوومەنی ئاسایش و ، هەروەها ئەنجوومەنی مافەکانی مرۆڤی سەر بە نەتەوە یەکگرتووەکان دەکات. هالێی دەشڵێت "ئەوانەی ئازادییان خۆشدەوێت، دەبێت پشتیوانی لە خۆپیشاندەرانی ئێران بکەن".}

^{نیکی هالێی، باڵیۆزی ئەمریکا لە نەتەوە یەکگرتووەکان رۆژی سێشەممە لە کۆنفرانسێکی رۆژنامەڤانیدا لە بارەگای سەرەکی نەتەوە یەکگرتووەکان لە نیویۆرک رایگەیاند ، خۆپیشاندانەکانی ئێران خۆڕسکن و خەڵک هاواری ئازادی دەکات ، بۆیە ئەوانەی ئازادییان خۆشدەوێت ، دەبێت پشتیوانی لە خۆپیشاندەرانی ئێران بکەن.}

^{هالێی راشیگەیاند ، پێویستە کۆمەڵگەی نێودەوڵەتی رۆڵی خۆی لەمبارەوە بگێرێت و نەتەوەیەکگرتووەکان قسەی خۆی هەبێت.}

^{باڵیۆزی ئەمریکا لە نەتەوە یەکگرتووەکان ئاماژەی بەوەشدا ، ئەمریکا داوای کۆبوونەوەی بەپەلە هەم لە ئەنجوومەنی ئاسایش و هەمیش لە ئەنجوومەنی مافەکانی مرۆڤ لەبارەی خۆپیشاندانەکانی ئێران دەکات.}

٣/١/٢٠١٨