^{بەپێی ئەو زانیاری و هەواڵانەی کەلە تۆڕە کۆمەڵایەتییەکانی ڕۆژهەڵاتی کوردستان، بڵاو کراونەتەوە، لە خۆپیشاندانی ئەم ئێوارە شاری "دروود"ی سەر بە پارێزگای لوڕستان، شەش خۆپیشاندەر بە دەستی هێزە ئەمنییەکان کوژراون.}

^{بەپێی ئەو زانیارییانەی کە گەیشتوون، لە خۆپیشاندانی ئەم ئێوارەیە لە شاری "دروود"ی سەر بە پارێزگای لوڕستان لە ڕۆژهەڵاتی کوردستان، بە تەوەی ڕاستەوخۆی هێزە ئەمنییەکان شەش هاووڵاتیی کورد کوژراون.}

^{لە حاڵێکدا خەڵک بە شێوەی هێمانە دەستیان داوەتە ڕێپێوان، هێزە ئەمنییەکان، بە چەک و باتۆم و گازی فرمیشکڕێژ هێرشیان کردووەتە سەر خۆپیشاندەران و بەپێی وێنەکان شەش کەس کوژراون و هەتا ئێستا لەبارەی ژمارەی برینداران زانیاریی ورد لەبەردەستدا نییە.}

^{ناوی چوار کەس لە خۆپیشاندەرە کوژراوەکان هەتا ئێستا ئاشکرا بووە کە بریتین لە: "هەمزه لەشنی، موحسێن ويرايسی، محەمەد چوباک و حوسێن ڕەشنوو".}

^{لە درێژەی خۆپیشاندان و ناڕەزاییەکانی سەرتاسەری ئێران کە بەهۆی دۆخی ناجێگری ئابووری و گرانییە، لە ئەنجامی دەستڕێژی هێزە ئەمنییەکانی ئێران، پێنج خۆپیشاندەری دیکە لە تاران گیانیان لەدەست داوە.}

^{بەپێی ئەو زانیاری و هەواڵانەی کەلە تۆڕە کۆمەڵایەتییەکانی ئێران بڵاو کراونەتەوە، لە ئەنجامی گرژی و ئاڵۆزیی کە لە نێوان خۆپیشاندەران و هێزە ئەمنییەکانی ئێران لە تاران ڕووی داوە، 5 کەس بە تەقەی هێزە ئەمنییەکانی ئێران کوژراون.}

بەپێی ئەو زانیارییه کان لە شاری کرماشان 8 کەس بریندار بووە و زانیارییەکان باس لەوە دەکەن، لە کرماشان، عەقیدێکی هێزە ئەمنییەکان کوژراوە.

هەر ئێستا لە شارەکانی ساری، لە باکووری ئێران، لە شاری ورمێ لە ڕۆژهەڵاتی کوردستان، ئەراک لە ناوەندی ئێران و بەندەر عەباس لە باشووری ئێران خەڵک لەسەر شەقامەکانن و لەدژی حکوومەت خۆپیشاندان دەکەن و هێزە ئەمنییەکانیش بە گازی فرمێسکڕێژ ڕووبەڕوویان دەبنەوە.

٣١/١٢/٢٠١٧