^{خۆپیشاندانەکانی ئێران و رۆژهەڵاتی کوردستان گرژی و ئاڵۆزییان لێکەوتەوە، بەهۆی تەقەی هێزە ئەمنییەکانیش ژمارەیەک خۆپیشاندەر کوژران.}

^{ئەمشەو خۆپیشاندان و ناڕەزایەتی لە چەند شارێکی ئێران و رۆژهەڵاتی کوردستان بەردەوام بوو، لە تاران بە هەزاران کەس رژانە شەقامەکان و دژی کۆماری ئیسلامیی ئێران درووشمی جیاوازیان گوتەوە.}

^{هاوکات لە چەند شارێکی رۆژهەڵاتی کوردستانیش خۆپیشاندان بەردەوام بوو، سەرچاوە خۆجێییەکانی رۆژهەڵاتی کوردستان بڵاویان کردووەتەوە کە 3 کەس لە شاری دروودی لوڕستانی رۆژهەڵاتی کوردستان لەلایەن هێزە ئەمنییەکانەوە کوژراون.}

^{هاوکات لە شاری زەنجانی ئێران هێزە ئەمنییەکان تەقەیان لە خۆپیشاندەران کردووە و بەهۆیەوە خۆپیشاندەرێکی دیکە کوژراوە.}

^{هەروەها ئەنجوومەنی نیشتمانیی بەرگریکردن لە ئێران (موجاهیدینی خەڵق) رایگەیاندووە پێنج خۆپیشاندەر کوژراون.}

^{ئەمە وێڕای ئەوەی دەیان کەس لە خۆپیشاندانەکان بریندرابوونە، دەیان کەسیش لەلایەن هێزە ئەمنییەکانەوە دەستگیرکراون.}

^{ۆژی پێنجشەممەی رابردوو دانیشتووانی مەشهەد، دووەم گەورە شاری ئێران و چەند شارێکی دیکەی پارێزگای خوڕاسانی رەزەوی لەدژی گرانی و بێکاری چەندین گردبوونەوەی ناڕەزایەتییان رێکخست کە پێشتر لە تۆڕە کۆمەڵایەتییەکان بانگەشەیان بۆ کرابوو، تێیدا لە دژی کابینەکەی حەسەن رووحانی و داڕمانی ئابووری و پشتگوێخستنی داواکارییەکانی خەڵک درووشمیان بەرزکردنەوە.}

^{رۆژی هەینی و ئەمڕۆ شەممەش ناڕەزایەتییەکان لەدژی ئەم دۆخە بەردەوامبوون و چەندین شاری ئێران و رۆژهەڵاتی کوردستانیان گرتەوە، لە خۆپیشاندانەکان جگە لە دژی کابینەی رووحانی، دژی سەرۆکی دەزگای داد و رێبەری کۆماری ئیسلامیش درووشم بەرزدەکرێنەوە، لە تۆڕە کۆمەڵایەتییەکانیش چالاکڤانانی مەدەنی داوادەکەن خۆپێشاندانەکان بەردەوامبن.}

31/12/2017