^{بە پێی هەواڵی کۆمەڵەی مافی مرۆڤی کوردستان، ڕۆژی سێشەممە، ٢٨ی سەرماوەز، هێزە ئەمنیەتییەکانی ڕژیم هەڵیانکوتایە سەر گوندی قولی قولی سەر بەشاری گیلان غەربی پارێزگای کرماشان و چوار چالاکی مەدەنییان بە ناوەکانی (مێهدی بابایی، غەفوور خوسرەوی، ئیسماعیل شەکەری و فەرشاد ڕەحمەتی) دەستبەسەر و بۆ شوێنێکی نادیار گواستەوە.}

^{ئەو تۆمەتانەی کە دراوەتە پاڵ ئەم چوار چالاکە کوردە بەشداری لە هەڵمەتی کۆکردنەوەی یارمەتی بۆ بوومەلەرزە لێدراوانی پارێزگای کرماشان ڕاگەیەندراوە.}

^{لە ماوەی ئەم چەند ڕۆژەدا بنەماڵەی گیراوەکان چەندین جار سەردانی ناوەندە قەزایی و ئەمنیەتییەکانیان کردووە بەڵام هیچ وڵامێکیان لە سەر چارەنووسی ڕۆڵەکانیان پێ ندراوەتەوە.}

٢٣/١٢/٢٠١٧