^{هێزە چەکدارەکانی کۆماری ئیسلامیی ئێران، لە ناوچەی پیرانشار ڕاستەوخۆ تەقەیان لە کۆمەڵێک کۆڵبەر کرد لە لە ئاکامدا کۆڵبەرێکی دیکەی کورد بە سختی بریندار بوو.}

^{بەپێی ڕاپۆرتی سەرچاوە هەواڵدەرییە نێوخۆییەکان، دوانێوەڕۆی ڕۆژی ڕابردوو، کۆڵبەرێکی دیکەی کورد بە ناوی “مستەفا خزری” کوڕی ڕەحمان تەمەن ٢٧ ساڵ، خەڵکی گوندی “کەوپەڕ”ی سەربە شاری پیرانشار لە شوێنێک بە ناوی”کانی خوا” بە تەقەی ڕاستەوخۆی هێزە ئینتزامییەکان بە سەختی بریندار بوو و ڕەوانە ناوەندێکی دەرمانی لە شاری مەهاباد کراوە.}

^{هەروەها هێزە ئەمنیەتییەکان کۆماری ئیسلامیی ئێران هەڕەشەیان لە بنەماڵەی خزری کردووە، کە نابێ ئەو ڕووداوە لە ڕاگەیەندراوەکاندا بڵاو بکرێتەوە.}

^{هەر لەو پێوەندییەدا، شەوی ٢٦ی سەرماوەز، هێزە ئینتزامییەکان لە گوندی “بێتووش” سەربە شاری سەردەشت، دەسڕێژیان لە ژمارەیەک کاسبکارو کۆڵبەری کوردی ئەو ناوچەیە کرد، کە لە ئاکامدا ٢ کاسبکاری کورد، بە ناوەکانی “عوسمان ئەحمەدی” کوڕی عەبدوڵڵا، تەمەن ٢٠ ساڵ و “محەممەد بەهرامی” کوڕی ڕەحمان، تەمەن ٢٢ ساڵ و خێزاندار گیانیان لە دەست دا.}

21/12/2017