^{نوێنەری شارەکانی سەردەشت و پیرانشار لە پەرلەمانی کۆماری ئیسلامیی ئێران ڕای گەیاندووە، داخرانی سنووری حاجی ئۆمەران بووەتە هۆی بێکاربوونی هەشت هەزار کۆڵبەر و 30 هەزار کاسبکاری سەر سنوور.}

^{ڕەسووڵ خزری، لەمبارەوە لە لێدوانێکدا بۆ ماڵپەڕی (خانەی میللەت) گوتوویەتی: "داخرانی سنووری حاجی ئۆمەران لە نێوان هەرێمی کوردستان و ڕۆژهەڵاتی کوردستان و کەمەتەرخەمی لە کرانەوەیەدا بووەتە هۆی بێکاریی هەشت هەزار کۆڵبەر و 30 هەزار کاسبکاری دیکە و هاوکات نزیکەی 7 ملیۆن بازرگان لە حەوت پارێزگای ئێران گرفتیان بۆ ساز بووە."}

^{ماوەی زیاتر لە دوو مانگە و پاش بەڕێوەچوونی ڕیفراندۆم لە هەرێمی کوردستان، کۆماری ئیسلامیی ئێران یەکلایەنە بڕیاری سنووری نێودەوڵەتیی حاجی ئۆمەرانی داوە و ئەمەش بووەتە گرفتێکی زۆر بۆ کەرتی بازرگانی و گەشتیاری لە هەرێمی کوردستان و بەتایبەت شارەکانی ڕۆژهەڵاتی کوردستان.}

^{نوێنەری سەردەشت لە پەرلەمانی ئێران ئەوەشی خستووەتە ڕوو: "پێش داخرانی سنووری حاجی ئۆمەران پشکی هەناردەی تورکیا لە عێراق 30% بووە، بەڵام ئێستا ئەو پشکە گەیشتووەتە 70%، لە بەرانبەریشدا شکی هەناردەی ئێران بۆ هەرێمی کوردستان کە 19%بووە، ئێستا زۆر کەمی کردووە بۆ 7 هەتا 9%".}

^{ئەو پەرلەمانتارە کوردە ڕاشی گەیاندووە: "ڕۆژی یەکشەممەی داهاتوو پرسی داخرانی سنووری حاجی ئۆمەران دەکەینە پرسیار و ڕووبەڕووی سەرکۆمار و وەزیرانی ناوخۆی ئێرانی دەکەینەوە، چونکە کەمتەرخەمی و دەستەوەستانیی گونجاو نییە و قەبووڵ ناکرێت".}

8/12/2017