وه‌زیرى ده‌ره‌وه‌ى ئه‌مریكا ڕای گه‌یاند، كۆمارى ئیسلامی ئێران به‌هه‌ڵسوكه‌وته‌كانى سه‌قامگیری له یه‌مه‌ن و سووریا و لوبنان، شێواندووه.
ڕیكس تیله‌رسۆن، وه‌زیری ده‌ره‌وه‌ى ئه‌مریكا، له كۆبوونه‌وه‌یدا له‌گه‌ڵ وه‌زیرانى ده‌ره‌وه له یه‌كێتى ئه‌ورووپا و ناتۆ، ئه‌مڕۆ سێشه‌ممه 5/ 12/ 2017 ڕای گه‌یاند: "پشتیوانیی له ڕێككه‌وتنى ئه‌تۆمى له‌گه‌ڵ ئێراندا ده‌كه‌ین، هه‌رچه‌نده به‌هه‌لسَوكه‌وته‌كانى سه‌قامگیریی له یه‌مه‌ن و سووریا و لوبنان، شێواندووه".
لێدوانه‌كه‌ى وه‌زیری ده‌ره‌وه‌ى ئه‌مریكا، ڕۆژێك دواى كوژرانى عه‌لى عه‌بدوڵا ساڵح، سه‌رۆكى پێشووى یه‌مه‌ن دێت، كه له بۆسه‌یه‌كداله‌سه‌ر ده‌ستی حووسییه‌كان (شیعه‌كانى یه‌مه‌ن) كوژرا.
هاوكات سه‌باره‌ت به كێشه‌ى قودس، ڤیدیریكا مۆگیرینی، نوێنه‌رى باڵاى ئاسایش و سیاسه‌تى ده‌ره‌وه له یه‌كێتى ئه‌ورووپا، جه‌ختی كرده‌وه، كه یه‌كێتییه‌كه‌یان كار ده‌كات بۆ ئه‌وه‌ى له‌پێناو دروستبوونى هه‌ردوو ده‌وڵه‌ت، هه‌ردوو لایه‌نی ئیسرائیلی و فڵه‌ستینی بگه‌ڕێنه‌وه سه‌ر مێزی گفتوگۆ".
هه‌روه‌ها گوتی: "یه‌كێتى ئه‌ورووپا جه‌خت ده‌كاته‌وه له‌سه‌ر ئه‌وه‌ى قودس ببێته پایته‌ختێكى هاوبه‌ش بۆ فڵه‌ستین و ئیسرائیل".
5/12/2017
