^{سەد و بیست (١٢٠) كەسایەتی عەرەبی و ئێران لە نامەیەكدا بۆ سەرۆك وەزیرانی هولەند خوازیاری ئەوە بوون لێكۆڵینەوە بكرێت لە دۆسیەی تیرۆری ئەحمەد مەولا چالاكی عەرەبی ئەهوازی.}

^{نزیك بە ١٢٠ كەسایەتی عەرەبی، ئەحوازی و نەتەوەكانیتری ئیران لە نامەیەكدا بۆ مارك رۆتە سەرۆك وەزیرانی هولەند خوازیاری ئەوە بوون لێكۆڵینەوەیەكی گشتی و ورد بكرێت لە دۆسیەی تیرۆری ئەحمەد مەولا نیسی و بە زووترین كات بە شێوەیەكی روون و بێ خەوش زانیارییەكان بڵاو بكرێتەوە.}

^{لەو نامەیەدا هاتووە :" ئێمە وڵاتی ئێوە بە وڵاتی گوڵ و گوڵزار، فیلسووت و هونەرمەندی ناوداری وەك بارۆخ سپینۆزا، رامبرانت و ڤانگۆك دەناسین. ئێمە دەزانین ژمارەیەك لە بیرمەندان و سیاسەتوانان و هونەرمەندان بە درێژایی مێژوو پەنایان هێناوەتە وڵاتی ئێوەو بوون بە پەنابەر. هەر بۆیە بەم رابردووە پرشنگدارەوە ، تیرۆری ئەحمەد مەولا نیسی، خەسارێكی گەورە بووە بۆ كۆمەڵگای ئێمە و مەترسیە بۆ كۆمەڵگای مرۆڤایەتی."}

^{واژۆ كەرانی ئەم نامەیە بە جەختكردنەوە لەوەی بە ئەگەری زۆر كۆماری ئیسلامی دەستی هەیە لەم تاوانەدا، باسیان لە سەدان نموونە تیرۆر كردوە كە كۆماری ئیسلامی لە ئورووپا و ئەمریكا ئەنجامی داوە.}

^{لە كۆتایی نامەكەدا خوازیاری ئەوە بوون كە پەیوەندییە ئابوورییەكان و بەرژەوەندییە ئابوورییەكان، نەبێت بە هۆی ئەوەی كە لێكۆڵینەوەی ورد بكرێت لە پرسی تیرۆری ئەم چالاكە عەرەبە.}

^{ئەحمەد مەولا چالاكی عەرەبی ئەحوازی، رۆژی ٨ی نۆڤەمبەری ٢٠١٧ لە شاری لاها لە هۆلەند تیرۆر كرا.}

4/12/1017