^{هێزە ئیتلاعاتییەکانی سەر بە ئیدارەی ئیتلاعاتی مەریوان، دوو هاووڵاتیی کوردیان دەسبەسەر کرد و بۆ شوێنێکی نادیاریان ڕاگواست.}

^{بەپێی هەواڵی ئاژانسی هەواڵدەریی کوردپا، شەوی پێنجشەممە ٩ی سەرماوەز، دوو هاووڵاتیی کورد بە ناوەکانی "ئارام نیک‌پەی" خەڵکی گوندی "نێ" و "تەحسین دادڕەس" خەڵکی گوندی "سەردۆش" سەر بە شاری مەریوان، لە لایەن هێزەکانی ئیتلاعاتەوە دەسبەسەر کراون.}

 ^{تەحسین دادڕەس لە فەلەکەی ستادیۆم بێ هیچ ئاگادار کردنەوەیەکی پێشوو لە لایەن هێزە ئیتلاعاتییەکانەوە تەقەی ڕاستەوخۆی لێ کراوە و دوای بریندار کرانی دەسبەسەر کراوە.}

^{، ئەو دوو هاووڵاتییە کوردە دوای دەسبەسەرکرانیان بۆ شوێنێکی نادیار ڕاگواستراون و هێزە ئیتلاعاتییەکان وڵامێکی ڕوون لە بارەی چارەنووسی ئەو دوو هاووڵاتییە بە بنەماڵەکانیان نادەنەوە.}

^{ڕاپۆرتەکان باس لەوە دەکەن، لە ماوەی دوو ڕۆژی ڕابردوودا، ژمارەیەکی بەرچاو لە هاووڵاتییانی مەریوان بۆ ئیدارەی ئیتلاعات بانگهێشت و لێپێچینەوەیان لێ کراوە.}

^{تا کاتی بڵاوبوونەوەی ئەو هەواڵە هیچ زانیاریەک لە هۆکاری دەسبەسەر کردنی ئەو دوو هاووڵاتییە کوردە لە بەردەستدا نییە.}

3/12/2017