^{١٥١ کرێکاری خەدەماتی شارەداری شاری مەریوان بەبێ ئاگاداری پێشوەخت لە سەر کارەکەیان دەرکران و چوونە ڕیزی بێکارەکانەوە.}

^{هەواڵدەریی کوردپا، شارەداری شاری مەریوان لە بریارێکدا هەوڵی وەدەرنانی ١٥١کرێکاری خەدەماتی ئەو شارەیان دا.
ژمارەیەکی دیکە لە کرێکارانی ئەم شارەدارییە کە پێشینەی چەند ساڵ کاریان هەیە، بڕیارە لە سەر کارەکانیان دەربکرێن.}

^{شارەداری بەبێ ئاگاداری پێشوو و لە ڕێگای پەیوەندیی تەلەفوونەوە هەوڵی وەدەرنانی کرێکارانی خەدەماتی ئەو شارەی داوە و هۆکاری لابردنیانی بۆ قەرزداربوون و نەبوونی پارەی کرێکاران گەڕاندووەتەوە.}

 ^{وەردەرنانی کرێکاران لە کاتێکدایە کە چەندین مانگە حەقدەستی کرێکاران نەدراوە.}

^{ڕەزبەری ئەمساڵ، ئەسعەد شیخ عەتاری، بەرپرسی شۆرای شاری مەریوان لە وتووێژێکدا لەگەڵ هەواڵدەریی "تەسنیم" لە وڵامی ئەو پرسیارەدا کە بۆچی پارەی کرێکارانی شارەداری نەدراوە، ڕایگەیاندبوو: هۆکاری نەدانی پارەی چەند مانگی کرێکارانی شارەداری بۆ کەمی پارەی تەرخانکراو و ئەم کێشەیەش بۆ هەڵسوکەوتی شارەداری و شۆرای شاری پێشووی مەریوان گەڕاندەوە؛ ناوبراو ڕێژەی قەرزداربوونی شارەداری مەریوانی بۆ ٣٠ میلیارد تمەن یان زیاتر خەمڵاندبوو.}

28/11/2017