(2).jpeg)
كۆبوونه‌وه‌ی به‌ره‌ی وه‌زیرانی به‌رگریی ٤٠ وڵاتی موسڵمان به مه‌به‌ستی تاوتوێكردنی ڕێگه‌كانی به‌ره‌نگاربوونه‌وه‌ی تیرۆریزم له ریاز به‌ڕێوه‌چوو.
كۆبوونه‌وه‌ی به‌ره‌ی وه‌زیرانی به‌رگریی ٤٠ وڵاتی موسڵمان به مه‌به‌ستی تاوتوێكردنی ڕێگه‌كانی به‌ره‌نگاربوونه‌وه‌ی تیرۆریزم به سه‌رۆكایه‌تیی محه‌ممه‌د بن سه‌ڵمان پاشای عه‌ره‌بستان له ریاز ده‌ستی پێكرد و له‌و كۆبوونه‌وه‌یه‌دا وڵاتانی ئێران، عێراق و سووریه بانگهێشت نه‌كرابوون.
ڕۆژی ڕابردوو له ڕێوڕه‌سمێكدا به به‌شداری ٤٠ وڵاتی موسڵمان به بێ ئێران، سووریه و عێراق ئه‌و كۆبوونه‌وه‌یه له ریازی پێته‌ختی عه‌ره‌بستانی سعوودی به مه‌به‌ستی به‌ره‌نگاربوونه‌وه‌ی تیرۆریزم و یه‌كهه‌ڵوێستی و یه‌كگرتوویی ئه‌و وڵاتانه به‌ڕێوه‌چوو.
له‌و كۆبوونه‌وه‌یه‌دا پاشای عه‌ره‌بستان وێڕای ئاماژه به هاوكاریی ئه‌و وڵاتانه وتی: ئه‌و كۆبوونه‌وه‌یه به مه‌به‌ستی هاوكاریكردنی وڵاتانی موسڵمان له بواره‌كانی نیزامی، ماڵی، سیاسی و زانیاریی به‌ربڵاو گیراوه و له دوای ته‌وابوونی ئه‌و كۆبوونه‌وه‌یه هه‌موو بڕیاره‌كانی ده‌بێ جێبه‌جێ بكرێ.
به‌پێی ڕاپۆرتی هه‌واڵده‌ریی فه‌رانسه، كۆبوونه‌وه‌ی به‌ره‌ی وڵاتانی موسڵمان به سه‌رۆكایه‌تیی ریاز و به‌شداریی وه‌زیرانی به‌رگریی ٤٠ وڵات كه زیاترین سوننی مه‌زهه‌بن به‌ڕێوه‌چوو. وڵاتانی كۆماری ئیسلامیی ئێران، عێراق و سووریه كه خه‌ڵكه‌كه‌ی زیاتر شیعه‌ن و به شێوه‌یه‌ك پشتیوانی له تیرۆریزم و هه‌ڵایسانی شه‌ڕ له ناوچه‌دا بوون، به‌شدار نه‌كران.
شایانی باسه وڵاتی قه‌ته‌ر بۆ ئه‌و كۆبوونه‌وه‌یه بانگ كرابوو به‌ڵام هیچ نوێنه‌رێكی نه‌ناردبوو و وڵاتانی پاكستان، توركیه و هه‌روه‌ها وڵاتانی موسڵمانی ئاسیایی و ئافریقایی به‌شداربوون.
28/11/2017
