^{بەپێی چەند وێنە و زانیاری کەلە تۆڕە کۆمەڵایەتییەکان بڵاو کراوەتەوە، ئیسحاق جەهانگیری، جێگری یەکەمی حەسەن ڕۆحانی سەرکۆماری ئێران، پاش 15 ڕۆژ و لە کاتی بەسەرکردنەوەی لێقەوماوانی کرماشان، بە کەوشەوە چووەتە ناو ماڵ و خێوەتی هاووڵاتیان.}

^{پاش بڵاوبوونەوەی ئەم وێنانەی ئیسحاق جەهانگیری کە گوایە بۆ یارمەتیدان و بەسەرکردنەوەی لێقەوماوانی بوومەلەرزەکەی کرماشان چووە، بەڵام بە کەوشەوە چوونە سەر فەرش و ناو خێوەتی هاووڵاتیان، بووە هۆی ئەوەی ڕەخنەیەکی زۆر لە حکوومەت و بەتایبەت جێگری حەسەن ڕۆحانی بگیرێت.}

^{بە گوتەی پارێزگاری کرماشان هەر یەکەم شەو و کاتی ڕوودانی بوومەلەرزەکە لە کرماشان، پەیوەندیی بە ئیسحاق جەهانگیرییەوە کردووە و داوای هاوکاریی لێ کردووە، بەڵام پێی ڕاگەیاندووە کە ئێستا لە جەژنی لەدایکبوونی سەرکۆمارە و سبەینێ بەدواداچوون دەکەین.}

^{شەوی یەکشەممە 2017/11/12 بوومەلەرزەیەک بە گوژمی 7.2 بە پلەی ڕێشتەر هەشت شار و 1900 گوندی پارێزگای کرماشانی هەژاند و بەپێی دوایین ئاماری میدیا فەرمییەکانی ئێران هەتا ئێستا 480 هاووڵاتیی گیانیان لەدەست داوە و زیاتر لە 10 هاووڵاتیش بریندار بوون.}

28/11/2017