دادگایەکی ئەمریکی بە زیاتر لە 1.6 ملیار دۆلار سزای کۆماری ئیسلامیی ئێران دەدات و پارەکەش لە بانکی ناوەندیی ئێران، بلۆک دەکات.

^{بەپێی هەواڵێکی ئاژانسی هەواڵیی (رۆیتەرز)، دادگای تێهەڵچوونەوەی فیدڕالیی لە نیویۆرک بڕیارەکەی دژی ئێران دەرکردووە.}

^{بڕیارەکە وەک قەرەبووە بۆ کەسوکاری ئەو ئەمریکییانەی لە تەقینەوەی تیرۆریستیی بنکەی سەربازیی ئەمریکا لە بەیرووتی پایتەختی لوبنان کوژران و بریندار بوون.}

^{دادگای تێهەڵچوونەوەی فیدڕالیی ئەمریکا لە نیویۆرک هەروەها بڕیاری داوە دەست بەسەر بڕی یەک ملیار و 680 ملیۆن دۆلاری بانکی ناوەندیی ئێراندا بگرێ، کە لە هەژماری ئەو باکە دایە لە بانکەکانی نیویۆرک.}

^{رۆژی 23/10/1983، دوو بارهەڵگری بۆمبڕێژکراو، کە دوو خۆکوژ لێیان دەخوڕی، لە دوو بنکەی سەربازیی ئەمریکا و فەرەنسا لە بەیرووت تەقینەوە و بوونە هۆی کوژرانی 241 سەربازی ئەمریکی، 58 سەربازی فەرەنسی، شەش هاووڵاتیی مەدەنی و 75 بریندار.}

^{هەرچەندە دوای تەقینەوەکان، بزووتنەوەی جیهادی ئیسلامی (شیعەمەزهەب)، کە گومان دەکرێ حزبوڵڵای لوبنانی بێت، بەرپرسیارێتیی خۆی لە تەقینەوەکە راگەیاند، بەڵام هەردوو وڵاتی ئەمریکا و فەرەنسا رایانگەیاند، کە ئێران لە پشت دوو تەقینەوەکە بووە.}

23/11/2017