^{لە گرتەیەکی ڤیدیۆییدا کە ئەمڕۆ لە تۆڕە کۆمەڵایەتییەکان بڵاو بووەتەوە، هێزە ئەمنییەکانی ئێران، لەباتی یارمەتیی خەڵکی لێقەوماوی کرماشان، سووکایەتی بە کورد دەکەن.}

^{لەو ڤیدیۆیەدا کە شەوی ڕابردوو لە یەکێک لە ناوچەکانی کرماشان لە کاتی دابەشکردنی یارمەتییە خەڵکییەکاندا، کۆمەڵێک خەڵک دێن بۆ یارمەتی، بەڵام یەکێک لە هێزە ئەمنییەکان، لە ڕەفتارێکی زۆر ناشیریندا دوو هاووڵاتیی کورد دەداتە بەر شەق و زللە و سووکایەتیی پێ دەکات.}

^{لە هەواڵێکی دیکەدا کە تۆڕی مافی مرۆڤی کوردستان بڵاوی کردووەتەوە، هاتووە: "پزیشکی یاسایی شاری سەرپێڵ‌زەهاو بۆ دانەوەی تەرمی هەر هاووڵاتییەکی کوژراو بە کەسوکاری بڕی 300 هەزار تمەن پارەیان لە خەڵک سەندووە، ئەمەش بووەتە هۆی ئەوەی کە خەڵکی شار و گوندەکان ئامادە نەبن تەرمی کەسوکارە قوربانییەکانیان ببەنە نەخۆشخانەکان و خۆیان ڕاستەوخۆ ناشتوویانن"}

^{هاوکات دوێنێ تۆڕی میدیایی (بی‌بی‌سی) لەزاری دکتۆرێکی خەڵکی "سەرپێڵ‌زەهاو"ەوە بڵاوی کردەوە: "زیاتر لە 150 کەس بەبێ ئەوەی تەرمی کەسوکاریان بدەنە ناوەندە پزیشکی و تەندروستییەکان، بۆ خۆیان ناشتوویانن"}

^{لە گرتەیەکی دیکەی ڤیدیۆییدا یەکێک لە هاووڵاتیانی گوندێکی سەر بە ئەزگلە بە وردی باسی کەمکارییەکانی حکوومەتی ئێران و دەستبەسەرداگرتنی هاوکاریی خۆبەخشەکان لەلایەن سوپای پاسدارانەوە دەکات.}

18/11/2017