^{سیاسەتمەدار و شارەزایانی ئەمریکی، داوا دەکەن کە بەغدا پێشێلکارییە دەستوورییەکانی بەرامبەر ھەرێمی کوردستان، رابگرێت.}

^{سیاسەتمەدار و شارەزایانی ئەمریکی ئاگاداری وردەکارییەکانی پێشێلکارییە دەستوورییەکانی حکوومەتی عیراقین لە بەرامبەر کورد و داوا دەکەن: "بەغدا پێشێلکارییەکانی میلیشیاکانی حەشدی شەعبی بوەستێنێت و گفتوگۆیەکی جدی و دۆستانە لەگەڵ ھەولێر دەست پێ بکات".}

^{سەرباری ھێرشەکانی حەشدی شەعبی و زیادەڕۆییەکانی بۆ سەر ناوچە کوردستانییەکانی دەرەوەی ئیدارەی ھەرێمی کوردستان، ھێشتا ھەرێمی کوردستان، داوای گفتوگۆ دەکات.}

^{راندا سلیما، لێکۆڵەر و بەڕێوەبەری کاروباری ناکۆکییەکان و دانووسان، لە پەیمانگای رۆژھەڵاتی ناوەڕاست لە واشینتۆن، رای دەگەیەنێ، کە پێویستە گفتوگۆی نێوان ھەولێر و بەغدا دەست پێ بکات، نابێت بەغدا خۆی لەو مەسەلەیە بدزێتەوە، دەبێت بڕوا بە پێکەوەژیان بکات، ھەر ھیچ نەبێت دەبێ بەغدا بۆ ماوەیەکی کورت یان مامناوەند، واقعیانە ئامادە بێت، تەنانەت بەرامبەر پرسی سەربەخۆیی، کە رەنگە لە داھاتوودا ببێتە ئەمرێکی واقیع.}

^{ڕۆژی 16ی ئۆکتۆبەری ڕابردوو، میلیشیاکانی (حەشدی شەعبی، سوپای پاسدارانی ئێران و حزبوڵای لوبنانی) بە ڕێککەوتن لەگەڵ گرووپێکی یەکێتی، پەلاماری خورماتوو، کەرکووک و خانەقینیان دا و دەستیان بەسەر داگرت و سەدان ھاووڵاتیی کوردیان شەھید و بریندار کرد و نزیکەی 200 ھەزار کەسیش لەو سنوورە ئاوارە بوون.}

17/11/2017