^{شارەداریی سنه هێرشی کردە سەر شوێنی کۆ کردنەوەی یارمەتییەکانی خەڵک، کە بە مەبەستی یارمەتی گەیاندن بە بوومەلەرزە لێدراوانی پارێزگای کرماشان دامەزرابوو.}

^{بەپێی هەواڵی گەیشتوو بە ئاژانسی هەواڵدەریی کوردپا، شوێنی کۆ کردنەوەی یارمەتییەکانی خەڵک بۆ بوومەلەرزە لێدراوانی پارێزگای کرماشان لە لایەن مەئموورانی شارەداریی سنەوە هێرشی کرایە سەری و تێکدرا.
ئەو هەوڵەی شارەداریی سنه، لە کاتێک دایە کە ئەو ناوەندە مەدەنییە لە لایەن فەرمانداریی سنەوە موڵەتی یاسایی هەبووە.}

^{کۆمەڵێک لە چالاکانی خوێندکاریی زانکۆی ئازادی سنە، ئەو کەمپەینەیان بۆ یارمەتیی بە خەڵکی لێقەوماوی پارێزگای کرماشان دامەزراندبوو، کە لە لایەن مەئمووران و بەرپرسانی شارەداریی سنە بە بێڕێزییەوە کۆ کرایەوە.}

^{دوای هاتنی بوومەلەرزەی ٣/٧ ڕیشتری لە پارێزگای کرماشان لە ڕۆژی یەکشەممەدا، خەڵکی کوردستانی ڕۆژهەڵات، بە شێوەی خۆڕسک یارمەتیان بۆ خەڵکی پارێزگای کرماشان کۆ کردەوە و هەروەها ئەنجومەنی سەوزی چیای مەریوان کەمپەینێکی لەژێر ناوی "وەتەن چاوی لێمانە" بۆ یارمەتی گەیاندن بە خەڵکی بوومەلەرزە لێدراوی کرماشان دامەزراند.}

17/11/2017