نووسینگەی رۆژنامەڤانی کۆسرەت رەسول رایدەگەیێنێت، باری تەندروستی تێکچووە و ئێستا لە نەخۆشخانە و لەژێر چاودێری وردی پزیشكیدایە.
مەسعود مەلا هەمزە، سکرتیری رۆژنامەڤانی کۆسرەت رەسول، جێگری یەکەمی سکرتێری گشتی یەکێتی نیشتمانی کوردستان بە تۆڕی میدیایی رووداوی راگەیاند: "کاک کۆسرەت لە سلێمانییە، ئەم بەیانییە باری تەندروستی تێکچووە و گەیێندرایە نەخۆشخانە، ئێستا لەژێر چاودێریی پزشکیدایە".
نووسینگەی رۆژنامەڤانی کۆسرەت رەسول هەر لەوبارەوە روونکردنەوەیەکی بڵاوکردەوە کە ئەوە دەقەکەیەتی
سەرلەبەیانی ئەمڕۆ شەممە 11-11-2017 باری تەندروستی كۆسرەت ڕەسول عەلی تێكچوو و گەیەنرایە نەخۆشخانە.
د.دارا ڕەشید لەتیمی پزیشكی تایبەتی كۆسرەت ڕەسول عەلی ڕایگەیاند كە ئێستا كۆسرەت ڕەسول عەلی لەژێر چاودێری وردی پزیشكیدایە و چارەسەری پێویستی بۆ ئەنجام دەدرێت.
هەروەها سوپاسی خەمخۆری كوردستانیانی خۆشەویست دەكەین و هەموو لایەك دڵنیا دەكەینەوە لەوەی كە ئێستا بەڕێز كۆسرەت ڕەسول عەلی لەژێر چاودێری پزیشكدایە و چارەسەری پێویستی بۆ ئەنجام دەدرێت.
نووسینگەی ڕۆژنامەوانی
كۆسرەت ڕەسول عەلی
12/11/2017
