سەرۆك وەزیرانی ئیسرائیل ئاشكرای كرد، كۆماری ئیسلامیی ئێران دەیەوێ تەواوی ناوچەكە داگیر بكات، بۆیە پێویستە ڕێككەوتننامەی ئەتۆمی لەگەڵ ئێران هەڵبوەشێنرێتەوە و ڕێگری لە فرەوانخوازییەكانی ئێران بكرێت.

^{نووسینگەی سەرۆك وەزیرانی ئیسرائیل قسەكانی بنیامین نەتانیاهۆی لە دانیشتنی هەفتانەی حكوومەتی ئیسرائیل بڵاو كردووەتەوە و تێیدا ناوبراو ئاماژەی داوە، ئیسرائیل بە توندی دژی ڕێككەوتنی ئەتۆمییە لەگەڵ ئێران، چونكە ئەوە دەبێتە هۆكارێك تا تاران چەكی ئەتۆمی بەدەست بێنێت.}

^{هەروەها گوتی، جیا لە ڕێككەوتنەكە، كارە دوژمنكارییەكانی ئێران لە ناوچەكە و وڵاتانی تر و پشتیوانی گرووپە تیرۆریستییەكان و پەرەپێدانی مووشەكی بالیستی لە ڕێككەوتنی ئەتۆمییەكە نەهاتووە و پێویستە بە توندی ڕووبەڕووی بوەستینەوە.}

^{لە بەشێكی تری قسەكانی نەتانیاهۆ ئاماژەی داوە، فرەوانخوازی ئێران لە ناوچەكە و دەستكەوتنی چەكی ئەتۆمی لە بەرژەوەندی هیچ وڵاتێكی دنیا نییە، بە تایبەت ئەمەریكا و ڕووسیا و وڵاتانی عەرەبی، جگەلەوەیش ئابووریی ئێران 30 هێندەی كۆریای باكور بەهێزە و پێویستە سەرەتا خواستە دوژمنكارییەكانی تاران بۆ دەستگرتن بەسەر وڵاتانی ناوچەكە، بە توندی وەڵام بدرێتەوە.}

30/10/2017