^{وەزیری دەرەوەی سوریا بە ئامانجی هەماهەنگکردنی هەنگاوە ناوچەیی و نێودەوڵەتییەکان بۆ پشتیوانی لە پرۆسەی گواستنەوەی دەسەڵات لە سوریا و هەروەها گفتوگۆ لەسەر پرسی هێزە کوردییەکانی هاوپەیمانی ئەمەریکا، ڕۆژی پێنجشەممە بەشداری لە کۆنفرانسێکی نێودەوڵەتی لە پاریس دەکات.}

^{ئەسعەد حەسەن ئەلشیبانی سەرکردایەتی شاندێک دەکات بۆ سەفەرەکە، ئەمەش چەند ڕۆژێک دوای ئەوەی ئیمانوێل ماکرۆن سەرۆک کۆماری سوریا بانگهێشتی ئەحمەد ئەلشەرع سەرۆکی سوریای کرد بۆ فەرەنسا.}

^{ئەلشیبانی پێشتر بۆ بەشداریکردن لە لوتکەی ئابووری داڤۆس گەشتێکی بۆ سویسرا کردبوو. هەروەها تورکیا و بەشێک لە وڵاتانی عەرەبی بەشداری لە کۆبوونەوەی لوتکەی پاریس دەکەن بۆ تاوتوێکردنی ئاستەنگە ئەمنی و ئابوورییەکان بۆ ئاوەدانکردنەوەی ئەو وڵاتە.}

^{گروپی وڵاتانی حەوت کە لە بەریتانیا، کەنەدا، فەرەنسا، ئەڵمانیا، ئیتاڵیا، ژاپۆن و ئەمەریکا پێکهاتووە، بەشداری لوتکەکە دەکەن.}

^{چەند سەرچاوەیەکی دیپلۆماسی ڕایانگەیاندووە "ئامانجی کۆنفرانسی پاریس گرنگیدان بە پاراستنی سوریایە لە دەستێوەردانی دەرەکی و پاراستنی لەناسەقامگیکردنی و هەماهەنگی هەوڵەکانی هاوکاری و ناردنی پەیام بۆ حکومەتی نوێی ئەو وڵاتەیە".}

^{وەزیرانی دەرەوەی وڵاتە ناوچەییەکانی سعودیە، تورکیا و لوبنان بڕیارە لەگەڵ هاوبەشە ڕۆژئاواییەکان لەو کۆبوونەوەیەدا دیدار بکەن، هەرچەندە ئەمەریکا تەنها ئامادەییەکی دیپلۆماسی لە ئاستێکی نزمدا هەیە.}

^{وەزارەتی دەرەوەی فەرەنسا ڕایگەیاند ئامانجی کۆبوونەوەکە هەماهەنگیکردنی هەوڵەکانە بۆ هێنانەدی قۆناغێکی گواستنەوەی ئاشتیانە بۆ دەستەبەرکردنی سەروەری و ئاسایشی وڵاتی سوریا و هەروها ڕێکخستنی دراوسێ و هاوبەشە سەرەکییەکانی سوریایە بۆ هەماهەنگی هاوکاری و پاڵپشتی ئابووری.}

^{بەرپرسان هەروەها ڕایانگەیاندووە کە بابەتی هێزە کوردییەکان لە سووریا کە لە لایەن ڕۆژئاواوە پاڵپشتی دەکرێن و تورکیا بە تیرۆریست ناویان دەبات، لەو کۆبوونەوەیەدا باس دەکرێت.}

^{سەرچاوەیەکی دیپلۆماسی تورکیا ڕایگەیاندووە نوح یڵماز، جێگری وەزیری دەرەوەی تورکیا کە بەشداری کۆبوونەوەکە دەکات سەنج دخاتە سەر هەڕەشانەی کە ڕووبەڕووی سوریا دەبێتەوە، ئەویش هێزە کوردییەکانە و هەروەها جەخت لە ئیرادەی تورکیا دەکاتەوە سەبارەت بە پاککردنەوەی کۆی وڵاتەکە لەو هێزانە.}

^{هێزە کودییەکان کە لە لەئیستادا هاوپەیمانێکی سەرەکی ئەمەریکان لە سوریا دژی داعش، لە چاوپێکەوتنە میدیاییەکاندا داوایان لە ئەمەریکا و فەرەنسا کردووە هێز ڕەوانە بکەن بۆ پاراستنیان بەرامبەر بە هێرشەکانی تورکیا و بۆ دڵنیابوون لە ئاسایشی دیلەکانی داعش کە لەژێر کۆنتڕۆڵی ئەوندایە.}

^{کوردەکان لە رۆژئاوا لە ساڵی 2014 و دوای سێ ساڵ لە شەڕی ناوخۆی ئەو وڵاتە، توانیان ئۆتۆنۆمییەکی دیفاکتۆ لە ناوچە کوردنشینەکاندا بەدەستبهێنن کە لەسەدا 70ی نەوتی سوریا بەرهەم دەهێنێت و دەیانەوێ دۆخی ئێستایان بیپارێزن. بەڵام تورکیا بەڵێنی داوە هێزە کوردییەکان لە باکووری ڕۆژهەڵاتی سوریا لەناوببات کە بڕبڕەی پشتی هێزەکانی سوریای دیموکرات پێکدەهێنن و ڕەنگە کشانەوەی هێزەکانی ئەمریکا، تورکیا بوێر بکات بۆ ئەوەی هەنگاوی زیاتر لە دژی کوردەکان بگرێتەبەر.}

^{بەشێک لەم هەواڵە لە رۆیتەرز وەرگیراوە}

13/2/2025