^{ئیلهام ئەحمەد، هاوسەرۆکی ئەنجومەنی سوریای دیموکرات و بەرپرسی بەشی پەیوەندییەکانی دەرەوەی ئیدارەی خۆسەر رایگەیاند، رۆڵی ئیسرائیل بۆ گەیشتن بە چارەسەر لە ناوچەکە زۆر گرنگە.}

^{ئیلهام ئەحمەد لە چاوپێکەوتنێکدا لەگەڵ رۆژنامەی ئۆرشەلیم پۆست باسی گرنگیی پەیوەندی لەگەڵ ئیسرائیل کرد.}

^{رۆژنامەکە دەڵێت، ئیلهام ئەحمەد بە شێوەیەکی نافەرمی وەک وەزیری دەرەوەی رۆژاڤای کوردستان کاردەکات و پێیوایە قەیرانی رۆژهەڵاتی ناوەڕاست تەنها بە بەشداریی هەموو لایەنەکان چارەسەر دەکرێت، بۆیە رۆڵی ئیسرائیل بۆ گەیشتن بە چارەسەرێکی دیموکراسی و بەردەوام لە ناوچەکەدا زۆر گرنگە.}

^{ئیلهام ئەحمەد پێیوایە، لە ئێستادا گفتوگۆ لەگەڵ ئیسرائیل گرنگییەکی زۆری هەیە، بەو پێیەی بوونی ئەم وڵاتە لە پرۆسەی چارەسەرکردنی قەیرانەکانی سوریا و ناوچەکەدا دەتوانێت یارمەتیدەر بێت بۆ ئاسایش و سەقامگیری.}

٤/٢/٢٠٢٥