^{به گوێرەی دەزگاکانی ڕاگەیاندنی دەوڵەت ڕۆژی چوارشەممە، مەسعود پزشکیان سەرۆکی ئێران، بە ئیمانوێل ماکرۆنی هاوتا فەرەنسیەکەی ڕاگەیاندووە، ئێران لە بەرامبەر هێرش و پەلامارەکانی سەر وڵاتەکەی بێدەنگ نابێت، لەکاتێکدا ترسی ململانێی زیاتری ناوچەیی لە ئارادایە لە دوای کوژرانی ڕێبەری حەماس لە تاران.}

^{لە پەیوەندییەکی تەلەفۆنیدا لەگەڵ ماکرۆن، پزیشکیان ڕەخنەی لە ئیسرائیل گرت سەبارەت بە شەڕی 10 مانگەی غەززە و گوتی: ئێران هەرگیز لە بەرامبەر هێرش و پەلامارەکان بۆ سەر بەرژەوەندی و ئاسایشی وڵاتەکەی بێدەنگ نابێت.}

^{گوتیشی "ئەگەر ئەمەریکا و وڵاتانی ڕۆژئاوا بەڕاستی دەیانەوێت ڕێگری لە شەڕ بکەن لە ناوچەکەدا، دەبێت ئیسرائیل ناچار بکەن هێرشەکانی بۆ سەر غەززە ڕابگرێت و ئاگربەست قبوڵ بکات."}

^{کۆبوونەوەی بەپەلەی ڕێکخراوی هاوکاری ئیسلامی ڕۆژی چوارشەممە لەسەر داوای ئێران لە عەرەبستانی سعودیە بەرێوەچوو، بۆ تاوتوێ کردنی کوژرانی ئیسماعیل هەنییە، سەرۆکی مەکتەبی سیاسی حەماس.}

^{تاران و گرووپەکانی هاوپەیمانی ئێران، وەک حەماس و حزبوڵا، ئیسرائیلیان بە کوشتنی هانییە تۆمەتبار کردووە.}

^{دەسەڵاتدارانی ئیسرائیل هەتا ئێستا بەرپرسیارێتی کوشتنی هانییەیان نەگرتووەتە ئەستۆ.}

٩/٨/٢٠٢٤