^{وەزیرانی دەرەوەی ڕووسیا و ئێران ڕۆژی یەکشەممە داوای ئاگربەستیان لە غەززە کرد و ڕایانگەیاند کە دەبێت هاوکاریی بەپەلە بۆ خەڵکی سڤیلی ناوچەکە دابین بکرێت.}

^{ڕووسیا ڕایگەیاند؛ سێرگی لاڤرۆڤ وەزیری دەرەوەی ڕووسیا لەسەر داوای تاران قسەی لەگەڵ حوسێن ئەمیرعەبدوڵڵاهیان وەزیری دەرەوەی ئێران کردووە.}

^{هاوکات وەزارەتی دەرەوەی ڕووسیا ڕایگەیاند "له میانەی وتووێژەکەدا سەنگی خراوەتە سەر دۆخی ئێستای ناوچەکانی شەڕ و ململانێی نێوان حەماس و ئیسرائیل."}

^{هەروەها "نیگەرانی دەربڕی سەبارەت بە بەردەوامی ڕووبەڕووبوونەوەی چەکداری لە کەرتی غەززە." و وتیشی جەخت کرایەوە لەسەر "پێویستی ئاگربەست و هاوکاری دەستبەجێ بۆ دانیشتوانی مەدەنی زیانلێکەوتوو لە غەززە."}

^{ڕووسیا کە پەیوەندی لەگەڵ ئێران، حەماس و زلهێزە گەورەکانی عەرەبی و هەروەها لەگەڵ فەلەستینییەکان و لەگەڵ ئیسرائیلدا هەیە، چەندین جار ئەمەریکا و ڕۆژئاوای بەوە تۆمەتبار کردووە کە پێویستی فەلەستینییەکان بۆ بوون بە دەوڵەتێکی سەربەخۆی لە چوارچێوەی سنوورەکانی ساڵی 1967دا پشتگوێ دەخەن.}

21/11/2023