(2).jpeg)
به‌هۆی درێژەکێشانی شەرێ نێوان غەززە و ئیسرائیل و بۆردومانكردنی نه‌خۆشخانه‌كه‌ی غه‌ززه؛ داوای كۆبوونه‌وه‌ی ئه‌نجومه‌نی ئاسایش ده‌كرێت
ڕووسیا و ئیمارات، داوای کۆبوونەوەی بەپەلەی ئەنجوومەنی ئاسایشی نێودەوڵەتییان کرد بۆ گفتوگۆکردن لەبارەی هێرشی سەر نەخۆشخانەی مه‌عمه‌دانی لە غەززە.
ئیمارات لە پەیامێکدا لە هەژماری تۆڕی کۆمەڵایەتیی، بانگەوازەکەی بڵاوکردەوە کە لە ڕێگەی نوێنەرایەتی هەمیشەیی وڵاتەکەیەوە لە نەتەوە یەکگرتووەکان پێشکەشی کردووە.
لە پەیامەکەدا هاتووە: "لە دوای هێرشی سەر نەخۆشخانەکە لە غەززە، ئیمارات و ڕووسیا داوای کۆبوونەوەی بەپەلەی ئەنجوومەنی ئاسایشی نێودەوڵەتی دەکەن بۆ گفتوگۆکردن لەبارەی ڕەوشی فەڵەستین".
نوێنەرایەتی هەمیشەیی بەڕازیل کە سەرۆکایەتی ئەم قۆناغەی ئەنجوومەنەکە دەکات، ڕایگەیاند کە گفتوگۆ کراوە لەبارەی بانگەوازەکە بۆ کۆبوونەوەکە، بەڵام هێشتا بڕیاری لەسەر نەدراوە.
وتەبێژی وەزارەتی تەندروستیی لە غەززە، ئەشرەف ئەلقودرا باسی لەوە کرد کە ژمارەی ئەو کەسانەی لە ئاکامی ئەو هێرشەی ئیسرائیل کردیە سەر نەخۆشخانەی مه‌عمه‌دانی بەرزبووەتەوە بۆ ٥٠٠ کەس.
١٨/١٠/٢٠٢٣
