^{ناوەندیی راگەیاندنی هێزەكانی ئاسایشی ناوخۆی باكورو رۆژهەڵاتی سوریا(رۆژئاوای كوردستان)، رایگەیاند، ئەمڕۆ توركیا 21 شوێنی بۆردومان كردون كە زۆربەیان پێگەی ژێرخانی ئابوری و خزمەتگوزاری بون و لە ئەنجامی هێرشەكانیشدا 11 كەس شەهیدبون و 10 كەسی دیكەش برینداربون.}

^{ئاوێنە: ناوەندیی راگەیاندنی هێزەكانی ئاسایشی ناوخۆ، ئەمشەو پێنجشەممە، لە راگەیەندراوێكدا وتی، هێرشەكانی توركیا، ئەمڕۆ بەردەوامیان هەبو بۆ سەر ناوچەكانمان لە باكورو رۆژهەڵاتی سوریا كە لەڕێگەی فڕۆكەی بێفڕۆكەوانەوە ئەنجامدراون و كە لەو بۆردومانانەدا ژێرخانی ئابوریی ناوچەكەو دامەزراوە خزمەتگوزارییەكان و شوێنەكانی نیشتەجێبون كرانە ئامانج و بونە هۆی شەهیدبون و برینداربونی هاوڵاتیانی مەدەنیش.}

^{بەپێی راگەیەندراوەكە ئەمڕۆ لەلایەن توركیا 10 شوێن بۆردومان كراون، كە 10یان پێگەی ژێرخانی ئابوری و 8یان شوێنی نیشتەجێبون و سیانیان پێگەی هێزەكانی ئاسایشی ناوخۆ بون.}

^{ئەوەشی خستۆتەڕو، لەو هێرشانەدا 11 كەس شەهیدبون كە پێنج كەسیان مەدەنی و شەش كەسیان كارمەندی هێزەكانی ئاسایشی ناوخۆ بون هەروەها 10 كەسیش برینداربون كە هەشت كەسیان مەدەنی و دوانیان كارمەندی هێزەكانی ئاسایشی ناوخۆن.}

^{هێمای بۆ ئەوەش كردوە كە ئەو شوێنانەی كرانە ئامانجی بۆردومانەكان دەكەونە شاری حەسەكە، قامیشلۆ، تەلتەمر، كۆبانێ و شەهبا.}

^{ئاماژەی بەوەشداوە، لەنێو ئەو شوێنانەی بۆردومان كراون، كارگە، كەمپی ئاوارە، چەند وێستگەیەكی كارەبا، شوێنی نیشتەجێبون، چەند كێڵگەیەكی نەوتی، پڕۆژەی ئاو هەن.}

^{بەگوێرەی میدیاكانی رۆژائاوای كوردستان لە ئێستاشدا هێرشەكانی سوپای توركیا بۆ سەر بەشێك لە ناوچەكانی رۆژئاوا بەردەوامن.}

١٠/٦/٢٠٢٣