^{جێگری وەزیری دەرەوەی ڕووسیا سێرگێی ڕیابکۆڤ دەڵێت هاریکارییە سەربازییەکانی ڕووسیا لەگەڵ ئێران ملکەچی فشارە جیۆپۆلیتیکیەکان نابن، ئەوەش دوای ئەو هەواڵانەی کە گوایە واشنتن داوای لە تاران کردووە چیتر فڕۆکەی بێفڕۆکەوان بە مۆسکۆ نەفرۆشێت.}

^{بەپێی ڕاپۆرتێکی دەزگای هەواڵی ئاڕ ئای ئەی ڕووسیا، ڕیابکۆڤ دەڵێت " هیچ گۆڕانکارییەک لە ئارادا نیە و هاریکارییەکان لەگەڵ ئێران بەردەوام دەبن. ئێمە دەوڵەتی سەربەخۆین و ملکەچی ئەمەریکا و مانگە دەستکردەکانی نابین."}

^{لە ماوەی ڕابردوودا لەم مانگەدا ڕۆژنامەی فاینانشیاڵ تایمز لە زاری بەرپرسێکی ئێرانی و کەسێکی دیکەوە کە نزیکە لە گفتوگۆکانەوە بڵاویکردەوە ئەمەریکا فشاری کردووەتە سەر ئێران تاوەکو فڕۆکەی بێفڕکەوان بە ڕووسیا نەفرۆشێت، کە ڕووسیا لە جەنگەکەی ناو ئۆکرانیادا بەکارییان دەهێنێت.}

^{ساڵی ڕابردوو ڕووسیا دەستیکرد بە بەکارهێنانی فڕۆکەی بێفڕۆکەوانی شاهیدی دروستکراوی ئێران بۆ هێرشکردنە سەر ئامانجەکانی ناو قووڵایی ئۆکرانیا، کە بە فڕۆکە بێفڕۆکەوانە خۆکوژییەکان ناسراون و لەگەڵ بەرککەوتنی بە ئامانجەکەیدا دەتەقێتەوە.}

^{بەرپرسێکی کۆشکی سپی لە مانگی شەشدا وتی لە مانگی هەشتی ساڵی 2022 ەوە ئێران چەند سەد فڕۆکەیەکی بێفڕۆکەوانی ڕەوانەی ڕووسیا کردووە.}

^{سەرچاوە/ ڕۆیتەرز}

27/8/2023