^{زیندانی سیاسی کورد محێدین ئیبراهیمی لەلایەن دەوڵەتی ئێرانەوە لە زیندانی ورمێ لەسێدارەدرا.
ناوەندی مافەکانی مرۆڤی ئێران بڵاویکردەوە کە زیندانییەکی سیاسی بە ناوی محێدین ئیبراهیمی لە زیندانی ورمێ، سەرلەبەیانی ئەمڕۆ لە سێدارەدراوە.}

^{مەحیەدین ئیبراهیمی تەمەن 43 ساڵ و خەڵکی گوندی ئاوایی «ئاڵکاوێ» سەر بەشاری شنۆ، ڕۆژی شەممە4ی نۆڤەمبەری 2017لە کاتێکدا سەرقاڵی کۆڵبەری بووە، لەلایەن هێزەکانی جێگیر لە پایگای بێمزورتێ دراوەتە بەر دەستڕێژ و بە سەختی بریندار و پاشان دەستگیركرابوو.}

^{ئەو هاووڵاتییە کوردە له‌ ساڵی 2018 بۆ جاری یەکه‌م لەلایەن لقی دووی دادگای شۆڕشی ئورمیەوە بە تۆمەتی هاوکاری و ئەندامەتی لەگەڵ حیزبی دێموکراتی کوردستانی ئێران حوکمی سێدارەی بەسەردا سەپێندرا.
شەوی رابردوو ئیبراهیمی گواسترابووە بۆ ژووری تاکەکەسی.}

^{راگەیەندرا کە شەوی رابردوو بنەماڵەی ئیبراهیمی گردبوونەوەیەکیان لەبەردەم زیندانەکە سازکردبوو، داوای راگرتنی جێبەجێکردنی سزای لەسێدارەدانی ئەو زیندانییەیان کردبوو.}

١٨/٣/٢٠٢٣