^{ڕۆژی سێشەممە ئێران بە توندی سەرکۆنەی سزا نوێیەکانی یەکێتی ئەوروپا و بەڕیتانیای کرد دژی ئێران و وتی تۆڵە دەکاتەوە، ئەوەش دوای ئەوەی ڕۆژئاوا فشارەکانی سەر ئێرانی بەهۆی سەرکوتکارییەکانی ئەو وڵاتەوە دژی خۆپیشاندانەکان زیاتر کردووە.}

^{وتەبێژی وەزارەتی دەرەوەی ئێران ناسڕ کەنعانی وتی " کۆماری ئیسلامی بە زوویی لیستێک سزای نوێ دژی یەکێتی ئەوروپا و بەڕیتانیای پێشێلکارانی مافەکانی مرۆڤ ڕادەگەیەنێت."}

^{یەکێتی ئەوروپا سزای بەسەر زیاتر لە 30 بەرپرس و ڕێکخراوی ئێرانیدا سەپاند، یەکەکانی سوپای پاسدارانی ئێرانیشی گرتەوە، کە بە تۆمەتی سەرکوتکردنی " دڕندانەی " خۆپیشاندانەکان و پێشێلکردنی مافەکانی مرۆڤ تۆمەتبار کراون.}

^{ئەمەریکا و بەڕیتانیاش بە هەمان شێوە سزای نوێیان سەپاند بەسەر ئێراندا، ئەوەش وەکو ڕەنگدانەوەی خراپتربوونی پەیوەندییەکانی نێوان ڕۆژئاوا و تاران.}

^{سزاکان نوێترین کاردانەوەن لەسەر سەرکوتکارییە کوشندەکەی ئێران دژی خۆپیشاندانەکانی وڵاتەکە کە دوای مەرگی ژینا ئەمینی سەریانهەڵدا کە لە ژێر دەستی پۆلیسی ئاکاری ئێراندا گیانی لە دەستدا.}

^{سەرچاوە/ ڕۆیتەرز}

25/1/2023