^{هاوکاتی ناڕەزایەتییەکان لە سەرانسەری ئێراندا، ڕۆژی دووشەممە مانگرتنی خاوەن بارهەڵگرەکان و شۆفێرانی بارهەڵگر لە ئێران بەردەوام بوو.}

^{بەپێی زانیارییەکانی ناو ئێران، شۆفێرانی بارهەڵگر لە قەزوین، مەرەند، ئەسفەهان، کاشان، کرماشان و بەندەر عەباس کارەکانیان ڕاگرتووە.}

^{مانگرتنی شۆفێرانی بارهەڵگر بەردەوامە سەرەڕای بەڵێنی حکومەتەکەی ڕەئیسی بۆ جێبەجێکردنی بەرنامەکانی پشتیوانی، لەنێویاندا "سووتەمەنی نۆژەنکردنەوە".}

^{شارەزایان دەڵێن، بەردەوامبوونی مانگرتنی بارهەڵگرەکان کە لە ڕۆژی شەممەوە دەستیپێکردووە، دەتوانێت جگە لە بارودۆزی سیاسی ڕەوشی ئابووری حکومەتیش بخاتە مەترسییەوە.}

^{سەتار ڕەحمانی، چالاکوانی کرێکاران بە بەشی فارسی دەنگی ئەمەریکای ڕاگەیاند "لەگەڵ فراوانبوون و چڕبوونەوەی ناڕەزایەتییەکانی سەر شەقامەکان، مانگرتنی سەرتاسەری شۆفێرانی بارهەڵگرەکان زیاتر دەبێت."}

^{بە بڕوای بەڕێز ڕەحمانی، ئەم مانگرتنە گواستنەوەی پێداویستییە سەرەکییەکانی خەڵک پەک دەخات؛ بەڵام لە هەمووی گرنگتر، لە کەرتە سەرەکییەکانی وەک گواستنەوەی سووتەمەنیدا، پیشەسازی نەوتی پترۆکیمیایی دەبێتە ئاستەنگی حکومەت و لە کۆتاییدا دەبێتە زیانێکی گەورە بۆ حکومەت. بە وتەی ناوبراو، ئەم مانگرتنە دەتوانێ پەیامێک بۆ چین و توێژەکانی دیکەی کرێکارانیش بنێرێت بۆ ئەوەی لە زووترین کاتدا کۆتایی بەم حکومەتە بێت.}

^{مانگرتنی شۆفێرانی بارهەڵگر لە گەرمەی ناڕەزایەتییەکانی سەرتاسەری وڵاتدا ئەنجام دەدرێت. تا ئێستا لانیکەم ٤٥٠ کەس لە خۆپیشاندانە ناڕەزایەتییەکاندا کوژراون و ژمارەیەکی نادیاریش دەستگیرکراون.}

30/11/2022