(2).jpeg)
وەزارەتی دەرەوەی عیراق رایگەیاند: رێوشوێنی دیپلۆماسی دەگرنەبەر بەرامبەر دەستدرێژیەكانی كۆماری ئیسلامی ئێران.
لە راگەیەنراوێكدا وەزارەتی دەرەوەی عیراق بڵاویكردۆتەوە، دوبارە بە توندی ئیدانەی بۆردومانەكانی كۆماری ئیسلامی ئێران دەكەین كە لەرێگەی درۆنەوە چەند ناوچەیەكی هەرێمی كوردستانی عیراقی كردۆتە ئامانج و چەندین شەهیدو برینداری لێكەوتۆتەوە.
راشیگەیاندوە، ئەم ئاڕاستە دوژمنكارانەیە پاڵنەر نابێت بۆ چارەسەركردن و بەردەوامی سەقامیگریی، پێشتر هەڵوێستمان رونبوەو مەترسییەكانی بەزاندنی سەروەرییەكانی عیراق و هاووڵاتیانمان رونكردۆتەوە كە دەبێتە هۆكاری هەڕەشەو شڵەژانی ناوچەكەو ئاستی گرژییەكانیش زیاتر دەكەن.
وەزارەتی دەرەوەی عیراق باسیلەوەشكردوە، لەسەر ئاستی باڵا رێوشوێنی دیپلۆماسی دەگرنەبەر دژی ئەم پێشێلكاریانە تا پارێزگاری لە سەروەریی وڵات و ئاسایشی گەلەكەمان بكەین.
١٤/١١/٢٠٢٢
