(2).jpeg)
بۆ جارێکی تر سوپای پاسدارانی کۆماری ئیسلامی بە موشەکی دوورهاوێژ و دڕۆنی بۆمبرێژکراو هیرشێ کردە سەر بنکە و بارگەکانی حیزبەکانی رۆژهەڵاتی کوردستان لە شاری کۆیە و ناچەی زرگوێزی سلێمانی، هەروەها چەند ناوچەیەكی شاخاوییان لە هەرێمی كوردستان بۆدرومان كردووە و چەند پێگەیەكی ئەو حیزبانەیان كردووە ئامانج ..
سوپای پاسداران لە كەناڵی خۆی لە "تێلێگرام" بڵاویكردووەتەوە، لە رێگەی فڕۆكەی بێفڕۆكەوانەوە پێگەكان و بنکەکانی حیزبەکانی رۆژهەڵاتی کوردستان بە قەولی ئەوان: جیاییخوازەکانی حزبی دیموكراتی کوردستانی ئێران و کۆمەڵەیان كردووەتە ئامانج.
ئەوەش هاتووە، هێرشەكە بەهێز بووە و لە رێگەی موشەك و فڕۆكەی بێفڕۆكەوانەوە ئەنجام دراون.
بەیانی ئەمڕۆ سوپای پاسداران چەند پێگەیەكی لە كۆیە، زڕگوێز لە سلێمانی و سنوری برادۆست كردە ئامانج و بەپێی زانیاریەكانیش، تاوكو ئێستا دوو کەس شەهید و 8ی دیكە بریندار بوون.
١٤/١١/٢٠٢٢
