^{ڕێکخراوی مافی مرۆڤی ئێران رایگەیاند ژمارەی ئەو کەسانەی لە خۆپیشاندانەکانی ئێراندا کوژراون، گەیشتووتە زیاتر لە ٣٠٤ کەس، کە ٤١ کەسیان منداڵ و ٢٤یان ژنن.}

^{رێکخراوەکە دەشڵێت، کوژراوەکان لە ٢٢ پارێزگان و زۆرترین کوژراوەکانیش لە سیستان و بەلوچستان، مازەندەران، تاران، سنە و گیلان بووە.}

^{ڕێکخراوی مافی مرۆڤی ئێران بڵاویکردەوە ژمارەی ئەو کەسانەی لە خۆپیشاندانە بەردەوامەکانی ئێراندا کوژراون، بۆ زیاتر لە ٣٠٤ کەس زیادیکردووە، کە ٤١ کەسیان منداڵ و ٢٤یان ژن بوون.}

^{ڕیکخراوی مافی مرۆڤی ئێران لە نویترین ڕاگەیەندراویدا بڵاویکردەوە لە ناڕەزایەتییەکانی ڕۆژی هەینیدا هێزە سەرکوتکەرەکانی ئێران بە تەقاندنی گولەی راستی لە شاری خاش لانیکەم ١٦ خۆپیشاندەریان کوشتووە.}

^{بە گوێرەی ڕاگەیەندراوەکە لەو ٣٠٤ خۆپیشاندەرە کوژراوەی ناسنامەکانیان پشتڕاست کراوەتەوە، ٤١ کەسیان تەمەنیان لە خوار ١٨ ساڵەوە بووە کە ٩ کەسیان کچن و ٣ کەسیان منداڵی ئەفغانی بوون.}

^{ئەوەشی ڕونکردوەتەوە تا ئێستا کوژراوان لە ٢٢ پارێزگای جیاوازەوە تۆمارکراون و زۆرترین حاڵەتی گیانلەدەستدان لە پارێزگاکانی سیستان و بەلوچستان، مازەندەران، تاران، سنە و گیلان بووە.}

^{ئاشکراشیکردووە، زۆرێک لە بەڵگەکان ئەوە دەردەخەن کە دەسەڵاتدارانی کۆماری ئیسلامی بەنیازن لە داهاتوودا سزای لەسێدارەدان وەک ئامرازێک بۆ سەرکوتکردن و تۆقاندنی ناڕەزایەتیەکان سود وەربگرن.}

٦/١١/٢٠٢٢