^{چالاکوانان ڕایانگەیاند، دوکانداران و کرێکارانی کارگەکان ڕۆژی شەممە لە ئێران دەستیان بە مانگرتن کرد، لە کاتێکدا خۆپیشاندانی سەرتاسەری کە بەهۆی مردنی ژینا ئەمینی سەریهەڵدا، پێی نایە هەفتەی شەشەمەوە.}

^{مردنی ئەمینی تەمەن 22 ساڵ، دوای دەستبەسەرکردنی بە تۆمەتی پێشێلکردنی یاسای توندی حیجاب لە ئێران، گەورەترین ناڕەزایەتی بە دوای خۆیدا هێنا کە ساڵانێکە لە کۆماری ئیسلامیدا نەبینراوە.}

^{ژنانی گەنج پێشەنگی ناڕەزاییەکانن و حیجابەکانیان لابردووە و دروشمی دژە حکومەت دەڵێنەوە. هەروەها لەسەر شەقامەکان ڕووبەڕووی هێزە ئەمنییەکان بوونەتەوە، سەرەڕای سەرکوتکردنێک کە گرووپە مافخوازەکان دەڵێن لانیکەم 122 کەس کوژراون.}

^{چالاکوانان بانگەوازێکیان بۆ خۆپیشاندانی نوێ بڵاوکردەوە، بەڵام بەهۆی قەدەغەکردنی ئینتەرنێتەوە دەستبەجێ ڕێژەی بەشداریکردنیان ئەستەمە دیاری بکرێت.}

^{کەناڵی سۆشیال میدیای 1500تاسڤیر بە ئاژانسی فرانس پرێسی ڕاگەیاند "لە یەک دوو شاردا مانگرتن هەبووە، لەنێویاندا سنە، بوکان و سەقز" بەڵام ئاماژەی بەوەشکرد، ئەستەمە بەڵگەی ئەو مانگرتنانە لە ڕێگەی ئۆنلاینەوە ببینرێت، چونکە "هێڵی ئینتەرنێت زۆر خاوە."}

٢٥/١٠/٢٠٢٢