^{هێزەکانی ئاسایشی ئێران سەرکوتکردنی ناڕەزایەتیەکانیان لە ناوچە کوردنشینەکان چڕترکردەوە و هێزی زیاتریان لەو ناوچانە بڵاوکردۆتەوە، لە کاتێكدا دەسەڵاتداران بە شێوەیەکی دڕندانە دەستیان بە دامرکاندنی ناڕەزایەتییە سەرتاسەرییەکانی وڵاتەکە کردووە، کە بەهۆی مردنی ژینا ئەمینی لە کاتی دەستبەسەرکردنی لەلایەن پۆلیسی ئەخلاقەوە سەریهەڵداوە.}

^{نزیکەی چوار هەفتە دوای دەستبەسەرکردنی ئەمینی کچە کوردێکی تەمەن 22ساڵان لە تاران بەهۆی "جل و بەرگی نەشیاو" ناڕەزایەتییەکان هیچ نیشانەیەکی کەمبوونەوەیان پێوە دیار نییە، لەگەڵ بەڕهەڵستییەکی بوێرانەدا بەرامبەر بە دەسەڵاتدارەکانی ئێران.}

^{ئەو نائارامییە بۆتە مایەی دەڕبرینی بێزارییەکانی خەڵک لەسەر ئازادی و مافەکان لە ئێران و ژمارەیەکی زۆر لە ژنانیش بەشدارییان لە ناڕەزاییەتیەکاندا کردووە، بەپێی زانیارییەکان، مردنی چەند کچێکی هەرزەکار کە لە کاتی خۆپیشاندانەکاندا تۆمار کراون بووەتە هۆی گردبوونەوەی زیاتری ناڕەزایەتییەکان.}

^{گرتە ڤیدیۆکانی سۆشیال میدیا دەریدەخەن هێزەکانی بەسیج لە ناوچە کوردنشینەکان ڕوبەڕووی خۆپیشاندەران دەبنەوە و لە خۆپیشاندەران دەدەن.}

^{دوو سه‌رچاوه‌ له‌ شاری سنه‌ی کوردستانی ئێران به ئاژانسی هەواڵی‌ ڕۆیته‌رزیان ڕاگه‌یاند که‌ ئه‌ندامانی به‌سیج و پۆلیس هێرش ده‌که‌نه‌ سه‌ر خۆپیشانده‌ران.}

^{شایەتحاڵێک بە ئاژانسی ڕۆیتەرزی ڕاگەیاند، سەدان پۆلیس و هێزەکانی بەسیج لە پارێزگاکانی دیکەوە گواستراونەتەوە بۆ هەرێمە کوردییەکان بۆ ڕوبەڕوبوونەوە و سەرکوتکردنی خۆپیشاندەران.}

17/10/2022