^{سه‌رۆكی ئه‌مه‌ریكا له‌ میانه‌ی پێشكه‌شكردنی گوتارێك لە کۆمەڵەی گشتی نەتەوە یەکگرتووەکان، رایده‌گه‌یه‌نێت، لەگەڵ ئافرەتانی ئێران كه‌ بۆ دەستەبەرکردنی مافەکانیان خەبات دەکەن، وەستاوین.}

^{جۆ بایدن سه‌رۆكی ئه‌مه‌ریكا له‌ درێژه‌ی گوتاره‌كه‌یدا له‌باره‌ی ئۆكرانیاوه‌ گوتی: "ئەمه‌ریکا زۆرترین هاوکاری به كیێڤ داوه، چونكه‌ رووسیا دەیەوێت ئه‌م وڵاته‌ بسڕێتەوه".}

^{ده‌شڵێت: "مۆسكۆ دەیەوێت به هێز سنوورەکان بگۆڕێت و له‌ ئێستادا جیهان جەنگێکی ناپێویست بەخۆوه دەبینێت، که تەنیا کەسێک هەڵیبژاردووه".}

^{گوتیشی: "واشنتن پابەنده دیموکراسی له هەموو جیهان بپارێزێت و پێویستیشه ئەندامه هەمیشەییەکانی ئەنجوومەنی ئاسایش زیاتربکرێن".}

^{سه‌رۆكی ئه‌مه‌ریكا ئاشكرایكرد، كه‌ پوتن هەڕەشەی ئەتۆمی له ئۆکرانیا کردووه، هیچ کات نابێت چەکی ئەتۆم بژارده بێت و بەکاربێت.}

^{جه‌ختی له‌وه‌ش كرده‌وه‌، سزاکانی ئەمه‌ریکا له‌ دژی رووسیا، تەنیا لەسەر هێرشەکەیەتی و هەناردەی دانەوێڵه و پەینی کیمیایی رووسیاشی نەگرتووەتەوه و گوتی: " نابێت رێگه بدەین وزه و خۆراک وەک چەک بەکاربهێندرێت".}

22/9/2022