^{دامەزراوەی توێژینەوەکانی ڕاگەیاندن و یاسا و ڕاگەیاندنە ناوخۆییەکان دەڵێت دادگایەکی تورکیا فەرمانی زیندانیکردنی بۆ 16 ڕۆژنامەنووسی کورد و کارمەندانی ڕاگەیاندنەکانی دەرکردووە، ئەوەش دوای ئەوەی هەفتەی ڕابردوو بەهۆی تۆمەتی بڵاوکردنەوەی پڕوپاگەندەی تیرۆریستیەوە دەستبەسەرکران.}

^{دامەزراوەکە وتی ماوەی هەشت ڕۆژە لە شاری دیاربەکری باشووری ڕۆژهەڵاتی تورکیا دەستبەسەرکراون، بەبێ ئەوەی بە فەڕمی تۆمەتبار بکرێن.}

^{بەپێی دەزگای هەواڵی دەمیرۆرین و دەزگاکانی دیکەی ڕاگەیاندنی تورکیا، پێنج ڕۆژنامەنووسی دیکە لە 8 ی مانگی شەشدا دەستبەسەرکراون.}

^{بەپێی لیژنەی پاراستنی ڕۆژنامەنووسان، تورکیا لە ماوەی 10 ساڵی ڕابردوودا لە هەموو وڵاتێکی جیهان زیاتر ڕۆژنامەنووسانی خستۆتە زیندانەوە، کۆمەڵێک گروپی دیکەی ڕاگەیاندنەکان سەرکۆنەی دەستبەسەرکردنەکانی هەفتەی ڕابردوویان کرد و " بە بێ بەزەییانە " ناوییان برد.}

^{لەنێو ئەوانەدا کە دەستبەسەرکراون بریتین لە بەرپرسی هاوبەشی دامەزراوەی ڕۆژنامەنووسانی دیکل فیرات سەردار ئەڵتان و بەرپرسی کەناڵی هەواڵی ژین سەفییە ئالاگاس و ئیدیتەری دەزگای هەواڵی میزۆپۆتامیا عەزیز ئۆروچ.}

^{دەزگای هەواڵی دەمیرۆرین وتی لە 8 ی مانگی شەشدا لە شاری دیاربەکری زۆرینە کورد 21 ڕۆژنامەنووس بە تۆمەتی بڵاوکردنەوەی پڕوپاگەندە بۆ ڕێکخراوێکی تیرۆریستی دەستبەسەرکراون.}

^{دەمیرۆرین لە زاری سەرچاوەکانی پۆلیسەوە بڵاویکردەوە پۆلیس لێکۆڵینەوە لە " لیژنەی ڕاگەیاندنی " پارتی کرێکارانی کوردستان دەکات. دادگاکەی دیاربەکر ڕەتی کردەوە لێدوان بدات.}

^{ڕۆژی دووشەممە 837 ڕۆژنامەنووس و 62 دەزگای ڕاگەیاندن بەیاننامەیەکیان دەرکرد و پشتیوانی خۆیان بۆ هاوەڵە دەستبەسەرکراوەکانیان دەربڕی و سەرکۆنەی دەستبەسەرکردنەکانیان کرد، وتیشیان " هەڵکوتانەکانی پۆلیس بۆ سەر ڕۆژنامەنووسان لێدانێکە لە ئازادی ڕۆژنامەگەری."}

^{هەروەها داوایان لە ئۆپۆزسیۆنی تورکیا کرد هاوسۆزییان بۆ دەرببڕێت. داواشیان لە دەسەڵاتی دادوەری کرد " نەبنە ئامڕازێکی نایاسایی و ستەمکاریی حکومەت."}

^{حکومەتەکەی سەرۆکی تورکیا ڕەجەب تەیب ئەردۆغان دەڵێت دادگاکان سەربەخۆن.}

^{لە ڕیزبەندییەکی ئازادی ڕاگەیاندنی جیهانی ڕێکخراوی پەیامنێرانی بێ سنووردا، لە 180 وڵاتدا تورکیا لە ئاستێکی زۆر نزمدایە و پلەی 149 دایە.}

^{سەرچاوە/ ڕۆیتەرز}

18/6/2022