^{ئەمڕۆ چوارشەممە ١٨ی جۆزەردان، "مەجید کەریمی" ئەندامی هەیئەتی بەڕێوەبەریی ئەنجومەنی سێنفیی مامۆستایانی کوردستان- سنە و کەڵاتەرزان، بە دانانی بارمتە لە زیندانی سنە ئازاد کرا.}

^{ئەو چالاکە سێنفییە بە دانانی بارمتە هەتا کاتی دادگاییەکەی بە شێوەی کاتی لە زیندانی سنە، ئازاد کراوە.}

^{لە ماوەی ڕۆژانی ڕابردوودا، مەجید کەریمی لە گرتنگەی ئیدارەی ئیتلاعاتی سنە بۆ زیندانی ناوەندیی ئەو شارە ڕاگوێزرابوو.}

^{ئەو چالاکە سێنفییە لە ماوەی دەسبەسەرکرانیدا، لە دەستپێڕاگەیشتن بە پارێزەر و چاوپێکەوتن لەگەڵ بنەماڵەکەی بێبەری کرابوو.}

^{ڕۆژی سێشەممە ١٠ی جۆزەردان، "مەجید کەریمی" لەلایەن هێزە لیباس شەخسییەکانەوە دەسبەسەر کرابوو.}

^{ئەو چالاکە سێنفییەی مامۆستایان لەگەڵ ژمارەیەک لە مامۆستایان لە سنە، بۆ بەدواداچوون لەمەڕ بارودۆخی "مەسعوود فەرهیختە" لە بەردەم بینای ئیتلاعاتی سپا کۆ بوونەوە و لەلایەن چەند کەس لە لیباس شەخسییەکان بە ماشینێک لە جۆری "پێژۆ" ڕفێندرابوو.}

^{ڕۆژی سێشەممە ١٠ی جۆزەردان، مامۆستایان کۆبوونەوەیەکی ناڕەزایەتییان لە بەرانبەر بینای ئیدارەی پەروەردە و بارهێنان لە سنە بەڕێوە برد و خوازیاری ئازادکردنی مامۆستایانی زیندانی و وەدەستهێنانی مافەکانیان بوون.}

^{مامۆستایان لەو کۆبوونەوەیەدا ناڕەزایەتیی خۆیان لەمەڕ دەسبەسەرکردنی مەسعوود نیکخا، ئەسکەندەر لوتفی و شەعبان محەممەدی، لە ئەندامانی هەیئەتی بەڕێوەبەریی ئەنجومەنی سێنفیی مامۆستایان کوردستان- مەریوان دەربڕی و بە دانی دروشمی "مامۆستای زیندانی دەبێ ئازاد بکرێت" خوازیاری ئازادکردنی بێمەرجی مامۆستایانی زیندانیکراو بوون.}

^{هەروەها بەیاننامەی کۆتایی کۆبوونەوەی ناڕەزایەتیی مامۆستایان لەلایەن "مەجید کەریمی" لەمەڕ پشتیوانی لە مامۆستایانی زیندانیکراو خوێندرابووەوە.}