^{ئەمەریکا پشتڕاستکردەوە کە دەنگی خۆی دەخاتە پاڵ دەنگی وڵاتانی ڕۆژئاوا لە پشتیوانی کردنیان لە بڕیارێک کە هانی ئێران دەدات هاوکاری لەگەڵ چاودێرانی ناوکی نەتەوەیەکگرتووەکاندا بکات، ئەمەش وێڕای هۆشداریەکەی تاران کە دەڵێت ئەم بڕیارە دەرفەتی دیپلۆماسییەت لەباردەبات.}

^{لەو بارەیەوە گوتەبێژی وەزارەتی دەرەوەی ئەمەریکا نێد پڕایس بەر لە ئەنجامدانی کۆبوونەوەکەی کە بڕیارە هەفتەی داهاتوو ئەنجام بدرێت گوتی " ئێمە دەتوانن ئەوە پشتڕاست بکەینەوە کە ئێمە دەنگی خۆمان دەخەینە پاڵ دەنگی بەریتانیا، فەرەنسا و ئەڵمانیا بۆ دەستەبەرکردنی بڕیارێک کە سەنگ دەخاتە سەر پێویستی ئەوەی کە ئێران بە تەواوی هاوکاری لەگەڵ ئاژانسی نێودەوڵەتی وزەی ئەتۆمیدا بکات.}

^{ناوبراو گوتیشی نوێترین ڕاپۆرتی ئەمدواییانەی ئاژانسی نێودەوڵەتی وزەی ئەتۆمی نیگەرانی ڕژدی دەربڕیوە سەبارەت بەوە کە ئێران وەڵامی پرسیارەکانی ئاژانسەکەی نەداوەتەوە.}

^{هاوکات نێد پڕایس ئاماژەی بەوە کرد کە گرنگە ئێران بە تەواوەتی پابەندی بەڵێنەکانی بێت کە لە ڕووی یاساییەوە دەبێت جێبەجێ بکرێن، ئەو بەڵێنانەی لە پەیماننامەی ڕێگریکردن لە پەرەپێدانی چەکی ناوکیدا هاتووە.}

^{سەرچاوە: فرانس پرێس}

3/6/2022