عێراق سەرکۆنەی تۆپبارانکردنی سیدەکان لەلایەن ئێرانەوە دەکات
بەیانی ئەمڕۆ ئێران لە رێگەی درۆن و تۆپبارانەوە هێرشی کردە سەر سنووری سیدەکان. هەروەها عێراق سەرکۆنەی تۆپبارانکردنی ناوچەکە دەکات.
رۆژی چوارشەممە 11ـی ئایاری 2022، لە راگەیێندراوێکدا وەزارەتی دەرەوەی عێراق سەرکۆنەی تۆپبارانکردنی ناوچەی سیدەکانی لەلایەن ئێرانەوە کرد و گوتی، "پێویستە لەبری زمانی هەڕەشە و رووبەڕووبوونەوە پەنا بۆ گفتوگۆ ببردرێت و سەروەریی عێراق پێشێل نەکرێت."
بەرەبەیانی ئەمڕۆ، تۆپخانەکانی سوپای پاسدارانی ئێران تۆپبارانی کوێستانەکانی بەربزینی لە سنووری ناحیەی سیدەکان کرد.
وەزارەتی دەرەوەی عێراق جەخت دەکاتەوە کە "نابێت خاکی عێراق وەک پێگە و شوێنێک بۆ هەڕەشەکردن لە دراوسێکان بەکار بهێندرێت."
١١/٥/٢٠٢٢
